ഷൂ ഉപയോഗിക്കുമ്പോൾ പാദങ്ങളുടെ സംരക്ഷണത്തിനാണ് നമ്മൾ സോക്സ് ധരിക്കുന്നത്. എന്നാൽ ചർമ്മവുമായി നേരിട്ട് സമ്പർക്കം പുലർത്തുന്ന സോക്സുകൾ കൃത്യമായി കഴുകാതെ ഉപയോഗിക്കുന്നത് ഗുരുതരമായ അണുബാധകൾക്ക് കാരണമാകും.
കഴുകാത്ത സോക്സ് ഉപയോഗിച്ചാൽ സംഭവിക്കുന്നത്
ബാക്ടീരിയകളുടെ വളർച്ച: വിയർപ്പും ഈർപ്പവും കലർന്ന സോക്സുകളിൽ സ്റ്റാഫൈലോകോക്കസ് ഓറിയസ്, ആസ്പർജില്ലസ് തുടങ്ങിയ അപകടകാരികളായ ബാക്ടീരിയകളും ഫംഗസുകളും വേഗത്തിൽ പെരുകുന്നു.
ചർമ്മ രോഗങ്ങൾ: കാലുകളിൽ കടുത്ത ചൊറിച്ചിൽ, തൊലി പൊളിഞ്ഞു പോകുക, വേദനയുള്ള കുമിളകൾ എന്നിവ ഉണ്ടാകാൻ ഇത് കാരണമാകും.
Also Read: ഹൃദയത്തെ കാക്കാം! ഈ 7 ശീലങ്ങൾ ഇന്നുതന്നെ തുടങ്ങാം
മുറിവുകൾ വഷളാകുന്നു: കാലിൽ ചെറിയ പോറലുകളോ മുറിവുകളോ ഉണ്ടെങ്കിൽ, കഴുകാത്ത സോക്സിലെ അണുക്കൾ വഴി അത് വലിയ അണുബാധയായി മാറാം.
ദുർഗന്ധം: വിയർപ്പും ബാക്ടീരിയകളും ചേരുന്നതോടെ പാദങ്ങളിൽ അസഹനീയമായ ദുർഗന്ധം ഉണ്ടാവുകയും അത് പടരുകയും ചെയ്യുന്നു.
സോക്സ് ധരിക്കുമ്പോൾ ശ്രദ്ധിക്കാൻ 5 കാര്യങ്ങൾ
ഒരിക്കൽ ഉപയോഗിച്ചാൽ കഴുകുക: ഓരോ തവണ ഉപയോഗിച്ച ശേഷവും സോക്സ് നന്നായി കഴുകി ഉണക്കി മാത്രം വീണ്ടും ഉപയോഗിക്കുക.
അമിത ഇടുക്കം ഒഴിവാക്കാം: രക്തയോട്ടം തടസ്സപ്പെടുത്തുന്ന രീതിയിലുള്ള വല്ലാതെ ഇറുകിയ സോക്സുകൾ ഒഴിവാക്കുക.
Also Read: വാഴപ്പഴം കഴിച്ചാലുടൻ വെള്ളം കുടിക്കാറുണ്ടോ? ദഹനത്തെ ബാധിക്കുന്ന ഈ ശീലം മാറ്റാം!
ഈർപ്പം വില്ലനാണ്: നനഞ്ഞതോ ഈർപ്പമുള്ളതോ ആയ സോക്സുകൾ ഒരിക്കലും ധരിക്കരുത്. മഴക്കാലത്ത് സോക്സിന്റെ ഉപയോഗം പരമാവധി കുറയ്ക്കുന്നതാണ് നല്ലത്.
മുറിവുകളുണ്ടെങ്കിൽ ശ്രദ്ധിക്കുക: കാലിൽ മുറിവോ അണുബാധയോ ഉള്ളപ്പോൾ സോക്സ് ധരിക്കുന്നത് ഒഴിവാക്കുക. ഇത് മുറിവ് ഉണങ്ങുന്നത് വൈകിപ്പിക്കും.
പാദങ്ങൾ വൃത്തിയാക്കാം: സോക്സ് അഴിച്ചതിന് ശേഷം പാദങ്ങൾ ചെറിയ ചൂടുവെള്ളത്തിൽ കഴുകുന്നത് അണുക്കളെ നശിപ്പിക്കാൻ സഹായിക്കും.
The post ഓരോ തവണ ഉപയോഗിക്കുമ്പോഴും സോക്സ് കഴുകാറുണ്ടോ? സൂക്ഷിച്ചില്ലെങ്കിൽ പണി കിട്ടും! appeared first on Express Kerala.