പ്രമുഖ സ്മാർട്ട്ഫോൺ നിർമ്മാതാക്കളായ വൺപ്ലസ് തങ്ങളുടെ ഏറ്റവും പുതിയ മോഡലായ വൺപ്ലസ് 15ടി ഉടൻ പുറത്തിറക്കാൻ ഒരുങ്ങുകയാണ്. ചൈനയിൽ ആദ്യം പുറത്തിറങ്ങുന്ന ഈ ഫോൺ അധികം വൈകാതെ തന്നെ ഇന്ത്യയുൾപ്പെടെയുള്ള ആഗോള വിപണികളിലും എത്തും. ഇന്ത്യയിൽ ഈ ഫോൺ ‘വൺപ്ലസ് 15എസ്’ എന്ന പേരിലായിരിക്കും അവതരിപ്പിക്കപ്പെടാൻ സാധ്യതയെന്ന് റിപ്പോർട്ടുകൾ സൂചിപ്പിക്കുന്നു. വൺപ്ലസ് ചൈന പ്രസിഡന്റ് തന്നെ ഫോണിന്റെ ചില പ്രധാന സവിശേഷതകൾ വെയ്ബോയിലൂടെ സ്ഥിരീകരിച്ചിട്ടുണ്ട്.
6.32 ഇഞ്ച് ഫ്ലാറ്റ് ഡിസ്പ്ലേയുമായാണ് വൺപ്ലസ് 15ടി എത്തുന്നത്. ക്വാൽകോമിന്റെ ഏറ്റവും പുതിയ സ്നാപ്ഡ്രാഗൺ 8 എലൈറ്റ് ജെൻ 5 സോക് ചിപ്സെറ്റായിരിക്കും ഫോണിന് കരുത്തേകുന്നത്. 100 വാട്ട് വയേർഡ് ഫാസ്റ്റ് ചാർജിംഗും 50 വാട്ട് വയർലെസ് ചാർജിംഗും പിന്തുണയ്ക്കുന്ന 7500 എംഎഎച്ചിന്റെ കൂറ്റൻ ബാറ്ററിയാണ് ഈ ഫോണിന്റെ ഏറ്റവും വലിയ ആകർഷണം. കൂടാതെ, ഐപി69K വരെയുള്ള ഉയർന്ന വാട്ടർ-ഡസ്റ്റ് റെസിസ്റ്റൻസ് റേറ്റിംഗും ഫോൺ വാഗ്ദാനം ചെയ്യുന്നുണ്ട്.
Also Read: 50എംപി സെൽഫി ക്യാമറയും കരുത്തുറ്റ ഫീച്ചറുകളുമായി വിവോ എക്സ്300 എഫ്ഇ ഉടൻ ഇന്ത്യയിലേക്ക്!
നൂതനമായ 3ഡി അൾട്രാസോണിക് ഫിംഗർപ്രിന്റ് സെൻസർ, മാഗ്നറ്റിക് ആക്സസറി പിന്തുണ എന്നിവയും ഈ സ്മാർട്ട്ഫോണിൽ പ്രതീക്ഷിക്കാം. ചൈനീസ് പതിപ്പിന് സമാനമായ സവിശേഷതകളോടെ തന്നെയാകും ഇന്ത്യൻ മോഡലും പുറത്തിറങ്ങുക. ദീർഘനേരത്തെ ബാറ്ററി ലൈഫും കരുത്തുറ്റ പെർഫോമൻസും ആഗ്രഹിക്കുന്നവർക്ക് ഈ വൺപ്ലസ് മോഡൽ മികച്ചൊരു ഓപ്ഷനായിരിക്കും.
The post 7500 mAh ബാറ്ററിയും ഫ്ലാറ്റ് ഡിസ്പ്ലേയുമായി വൺപ്ലസ് 15ടി വരുന്നു appeared first on Express Kerala.
