ഡൽഹി സർക്കാരിന് കീഴിലുള്ള 12 സ്പെഷ്യൽ സ്കൂളുകളിലേക്കുള്ള 2026-27 അധ്യയന വർഷത്തെ പ്രവേശന നടപടികൾ ആരംഭിച്ചു. നഴ്സറി മുതൽ പത്താം ക്ലാസ് വരെയും പ്ലസ് ടു ക്ലാസുകളിലേക്കുമാണ് പ്രവേശനം നടക്കുന്നത്. വിദ്യാഭ്യാസ ഡയറക്ടറേറ്റ് പുറപ്പെടുവിച്ച വിജ്ഞാപന പ്രകാരം മാർച്ച് 9 മുതൽ രജിസ്ട്രേഷൻ നടപടികൾ ആരംഭിക്കും.
ഓൺലൈൻ രജിസ്ട്രേഷൻ: 2026 മാർച്ച് 9 – മാർച്ച് 17
രേഖകളുടെ പരിശോധന (സ്കൂളുകളിൽ): മാർച്ച് 18 – മാർച്ച് 23
നറുക്കെടുപ്പ് (ആവശ്യമെങ്കിൽ): മാർച്ച് 24 (രാവിലെ 11 മണി)
അന്തിമ പട്ടിക സമർപ്പിക്കൽ: മാർച്ച് 25
സ്കൂൾ അലോട്ട്മെന്റ്: ഏപ്രിൽ 1
പ്രവേശന നടപടികൾ പൂർത്തിയാക്കൽ: ഏപ്രിൽ 2
വെയ്റ്റിംഗ് ലിസ്റ്റ് പ്രവേശനം: ഏപ്രിൽ 3 – ഏപ്രിൽ 5
Also Read: യുപി സ്കോളർഷിപ്പ് 2026; അപേക്ഷാ രീതിയും സ്റ്റാറ്റസ് പരിശോധനയും
പ്രവേശന രീതി
സീറ്റുകളുടെ എണ്ണത്തേക്കാൾ കൂടുതൽ അപേക്ഷകർ എത്തിയാൽ മാർച്ച് 24-ന് സ്കൂൾ മാനേജ്മെന്റ് കമ്മിറ്റിയുടെയും രക്ഷിതാക്കളുടെയും സാന്നിധ്യത്തിൽ നറുക്കെടുപ്പിലൂടെയാകും വിദ്യാർത്ഥികളെ തിരഞ്ഞെടുക്കുക. കാഴ്ച വൈകല്യമുള്ളവർ, ബുദ്ധിപരമായ വെല്ലുവിളികൾ നേരിടുന്നവർ തുടങ്ങിയ പ്രത്യേക പരിഗണന അർഹിക്കുന്ന കുട്ടികൾക്കായി മികച്ച പഠന സൗകര്യങ്ങളാണ് ഈ 12 സ്കൂളുകളിലും ഒരുക്കിയിട്ടുള്ളത്. നിശ്ചിത പ്രായപരിധിയും വൈകല്യ വിഭാഗങ്ങളും സംബന്ധിച്ച സർക്കാർ മാർഗ്ഗനിർദ്ദേശങ്ങൾ പാലിക്കുന്ന കുട്ടികൾക്ക് മാത്രമേ പ്രവേശനം അനുവദിക്കൂ എന്ന് വിദ്യാഭ്യാസ വകുപ്പ് വ്യക്തമാക്കി.
The post ഡൽഹി സ്പെഷ്യൽ സ്കൂൾ പ്രവേശനം; നഴ്സറി മുതൽ പ്ലസ് ടു വരെ അവസരം appeared first on Express Kerala.
