ചൂട് ചോറിനൊപ്പം ‘മുളകുചുട്ട ചമ്മന്തി’; മടുക്കാത്ത രുചിയുമായി ഒരു നാടൻ വിഭവം

എത്ര ആഡംബര വിഭവങ്ങളുണ്ടെങ്കിലും മലയാളിക്ക് എന്നും പ്രിയം നാടൻ രുചികളോടാണ്. കറികൾ പലതുണ്ടെങ്കിലും ഒരേ വിഭവം തന്നെ ദിവസവും കഴിക്കുമ്പോൾ ഉണ്ടാകുന്ന വിരസത മാറ്റാൻ ഇതാ ഒരു ‘അത്യുഗ്രൻ’ ഐറ്റം. ചൂട് ചോറിനൊപ്പം മുളകുചുട്ട ചമ്മന്തി ഉണ്ടെങ്കിൽ പിന്നെ മറ്റൊന്നും വേണ്ട എന്ന് തന്നെ പറയാം. യാത്രകൾ പോകുമ്പോഴും ഏറെ നേരം കേടുകൂടാതെ സൂക്ഷിക്കാൻ സാധിക്കുമെന്നത് ഇതിന്റെ പ്രത്യേകതയാണ്.

രുചിക്കൂട്ട് ഇങ്ങനെ

ലളിതമായ ചേരുവകൾ കൊണ്ട് മിനിറ്റുകൾക്കുള്ളിൽ ഇത് തയ്യാറാക്കാം.

ചേരുവകൾ: വറ്റൽ മുളക് (12 എണ്ണം), ചുവന്നുള്ളി (30 എണ്ണം), ചെറിയ നെല്ലിക്ക വലുപ്പത്തിൽ വാളൻപുളി, പാകത്തിന് ഉപ്പ്, രണ്ട് നുള്ള് പഞ്ചസാര, നാല് ചെറിയ സ്പൂൺ വെളിച്ചെണ്ണ.

Also Read: ഹിമാലയത്തിലെ വിസ്മയം; ‘പക്ഷികളുടെ രാജാവ്’ ജുജുറാന അതിജീവനത്തിന്റെ പാതയിൽ

തയ്യാറാക്കുന്ന വിധം

ആദ്യം അൽപം എണ്ണയിൽ വറ്റൽ മുളക് വറുത്തുകോരുക. ശേഷം ഈ മുളകും ചുവന്നുള്ളിയും പുളിയും ചേർത്ത് നന്നായി ചതച്ചെടുക്കണം. ഇതിലേക്ക് ആവശ്യത്തിന് ഉപ്പും അല്പം പഞ്ചസാരയും ചേർത്ത് യോജിപ്പിക്കുക. അവസാനം പച്ച വെളിച്ചെണ്ണ കൂടി ഒഴിച്ച് ഇളക്കിയാൽ നാവിലൂറുന്ന മുളകുചുട്ട ചമ്മന്തി തയ്യാർ.

ഈ ചമ്മന്തി ഒരു ചില്ല് കുപ്പിയിലാക്കി സൂക്ഷിച്ചാൽ മൂന്ന് നാല് ദിവസം വരെ കേടുകൂടാതെ ഉപയോഗിക്കാം. പരാതികളില്ലാതെ വീട്ടുകാർ വയറുനിറയെ ഉണ്ണാൻ ഈ നാടൻ വിഭവം ഒന്ന് പരീക്ഷിച്ചു നോക്കാവുന്നതാണ്.

NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (Generated by AI)

The post ചൂട് ചോറിനൊപ്പം ‘മുളകുചുട്ട ചമ്മന്തി’; മടുക്കാത്ത രുചിയുമായി ഒരു നാടൻ വിഭവം appeared first on Express Kerala.