മഹേഷ് നാരായണൻ്റെ രചനയിലും സംവിധാനത്തിലും ഒരുങ്ങുന്ന ബിഗ് ബജറ്റ് ചിത്രം ‘പേട്രിയറ്റിലെ’ ആദ്യഗാനം റിലീസിനൊരുങ്ങുന്നു. മാർച്ച് 12-ന് സംഗീത സംവിധായകൻ സുഷിൻ ശ്യാമിൻ്റെ ഔദ്യോഗിക യൂട്യൂബ് ചാനലിലൂടെയാണ് ഗാനം പുറത്തിറങ്ങുന്നത്. അൻവർ അലി രചിച്ച്, കപിൽ കപിലനും സായ് പ്രഭയും ചേർന്ന് ആലപിച്ച ‘കാറ്റു തൊട്ടപ്പോൾ’ എന്ന പ്രണയഗാനമാണ് ആദ്യം പ്രേക്ഷകരിലേക്ക് എത്തുന്നത്. കുഞ്ചാക്കോ ബോബനും ദർശനാ രാജേന്ദ്രനും അണിനിരക്കുന്ന ഈ മനോഹര ഗാനരംഗം ആരാധകർക്കിടയിൽ വലിയ പ്രതീക്ഷയാണ് നൽകുന്നത്.
Also Read: മനുഷ്യനും കാളയും തമ്മിലുള്ള ആത്മബന്ധം; പ്രതികാരത്തിൻ്റെ കഥയുമായി വിമൽ ചിത്രം ‘വടം’ തിയേറ്ററുകളിൽ
ചലച്ചിത്ര ഗാനങ്ങൾക്കൊപ്പം സ്വതന്ത്ര സംഗീതവും പ്രോത്സാഹിപ്പിക്കുക എന്ന ലക്ഷ്യത്തോടെയാണ് സുഷിൻ സ്വന്തം ചാനലിലൂടെ ഗാന റിലീസ് നടത്തുന്നത്. ഒരു സിനിമാഗാനം സുഷിൻ്റെ യൂട്യൂബ് ചാനലിലൂടെ പുറത്തിറങ്ങുന്നതും ഇതാദ്യമായാണ്. ആൻ്റോ ജോസഫും കെ.ജി. അനിൽകുമാറും ചേർന്ന് നിർമ്മിക്കുന്ന ‘പേട്രിയറ്റ്’, വർഷങ്ങൾക്ക് ശേഷം മമ്മൂട്ടിയും മോഹൻലാലും ഒരുമിച്ച് സ്ക്രീനിലെത്തുന്നു എന്ന പ്രത്യേകതയാൽ ഇതിനോടകം തന്നെ തരംഗമായിക്കഴിഞ്ഞു.
സുഷിൻ ശ്യാം തന്നെ ഒറിജിനൽ സ്കോറും സംഗീതവും നിർവ്വഹിച്ചിരിക്കുന്ന ചിത്രത്തിൽ ഫഹദ് ഫാസിൽ, നയൻതാര, രേവതി തുടങ്ങി വൻ താരനിരയാണ് അണിനിരക്കുന്നത്. ആകെ മൂന്ന് ഗാനങ്ങളുള്ള ഈ ചിത്രം വരാനിരിക്കുന്ന ഏപ്രിലിൽ തിയേറ്ററുകളിൽ എത്തുമെന്നാണ് പ്രതീക്ഷിക്കുന്നത്. കുഞ്ചാക്കോ ബോബൻ, ദർശന എന്നിവരുടെ കെമിസ്ട്രിയും മമ്മൂട്ടി-മോഹൻലാൽ കോമ്പോയും ചിത്രത്തിന് വലിയ പ്രീ-റിലീസ് ഹൈപ്പ് നൽകുന്നുണ്ട്.
The post ‘പേട്രിയറ്റിലെ’ ആദ്യഗാനം മാർച്ച് 12-ന്; സുഷിൻ ശ്യാമിൻ്റെ യൂട്യൂബ് ചാനലിലൂടെ സംഗീത വിരുന്ന് appeared first on Express Kerala.
