ഫോൾഡബിൾ സ്മാർട്ട്ഫോൺ പ്രേമികൾ കാത്തിരിക്കുന്ന ഓപ്പോ ഫൈൻഡ് N6 (Oppo Find N6) മാർച്ച് 17-ന് ആഗോള വിപണിയിൽ അവതരിപ്പിക്കും. 2025-ൽ പുറത്തിറങ്ങിയ ഫൈൻഡ് N5-ന്റെ പിൻഗാമിയായെത്തുന്ന ഈ കരുത്തൻ മോഡലിന്റെ പ്രധാന ആകർഷണം 200 മെഗാപിക്സലിന്റെ ഹാസ്സൽബ്ലാഡ് (Hasselblad) ക്യാമറയാണ്. 50MP അൾട്രാ-വൈഡ്, 50MP പെരിസ്കോപ്പ് ടെലിഫോട്ടോ, 2MP മൾട്ടിസ്പെക്ട്രൽ ലെൻസുകൾ അടങ്ങുന്ന റിയർ ക്യാമറ സെറ്റപ്പിനൊപ്പം സെൽഫിക്കായി 20MP ക്യാമറയും ഫോണിലുണ്ടാകും.
Also Read: ആരാണ് ആ നിഗൂഢ സന്ദർശകൻ? യൂറോപ്പിനെ മുൾമുനയിൽ നിർത്തിയ ഫയർബോളിന്റെ രഹസ്യം തേടി ശാസ്ത്രജ്ഞർ
മടക്കുമ്പോൾ ഉണ്ടാകുന്ന ക്രീസുകൾ പൂർണ്ണമായും ഒഴിവാക്കാൻ സഹായിക്കുന്ന പുത്തൻ ടൈറ്റാനിയം അലോയ് ഡോം (Titanium Alloy Dome) സാങ്കേതികവിദ്യയാണ് ഇതിൽ ഉപയോഗിച്ചിരിക്കുന്നതെന്ന് ഓപ്പോ ചീഫ് പ്രൊഡക്ട് ഓഫീസർ വ്യക്തമാക്കി. ഗോൾഡൻ ഓറഞ്ച്, ഒറിജിനൽ ടൈറ്റാനിയം എന്നീ ആകർഷകമായ നിറങ്ങളിൽ എത്തുന്ന ഫോൺ 12GB+256GB മുതൽ 16GB+1TB വരെയുള്ള വിവിധ സ്റ്റോറേജ് ഓപ്ഷനുകളിൽ ലഭ്യമാകും.
മികച്ച ദൃശ്യാനുഭവത്തിനായി 8.12 ഇഞ്ച് 2K LTPO പ്രധാന ഡിസ്പ്ലേയും 6.62 ഇഞ്ച് കവർ സ്ക്രീനുമാണ് ഈ ഫോണിലുള്ളത്. ക്വാൽകോമിൻ്റെ ഏറ്റവും പുതിയ സ്നാപ്ഡ്രാഗൺ 8 എലൈറ്റ് ജെൻ 5 ചിപ്സെറ്റ് കരുത്തുപകരുന്ന ഫോണിൽ 80 വാട്സ് ഫാസ്റ്റ് ചാർജിംഗ് പിന്തുണയുള്ള 6000mAh ബാറ്ററിയാണുള്ളത്. ഇതിനൊപ്പം അപ്ഗ്രേഡ് ചെയ്ത ഓപ്പോ AI സ്റ്റൈലസും (Stylus) അവതരിപ്പിക്കുന്നുണ്ട്. ഫൈൻഡ് N6-നൊപ്പം തന്നെ ഓപ്പോയുടെ പുതിയ സ്മാർട്ട്വാച്ചായ വാച്ച് X3-യും പുറത്തിറക്കും. വൃത്താകൃതിയിലുള്ള ഡയൽ, കളർ ഒ.എസ്, യുഎസ്ബി ടൈപ്പ് സി ചാർജിംഗ് എന്നിവയാണ് ഈ വാച്ചിന്റെ പ്രധാന സവിശേഷതകൾ. ഫോൾഡബിൾ ഫോൺ വിപണിയിൽ പുതിയൊരു ബെഞ്ച്മാർക്ക് സൃഷ്ടിക്കാനാണ് ഈ പുത്തൻ ലോഞ്ചിലൂടെ ഓപ്പോ ലക്ഷ്യമിടുന്നത്.
The post 200MP ക്യാമറയുമായി ഓപ്പോ ഫൈൻഡ് N6; ഫോൾഡബിൾ സ്മാർട്ട്ഫോൺ വിപണിയിൽ വിപ്ലവത്തിനൊരുങ്ങി ഓപ്പോ appeared first on Express Kerala.
