ടി20 ലോകകപ്പ് വിജയത്തിന്റെ ആവേശത്തിൽ രാജ്യം മുഴുവൻ മുഴുകിയിരിക്കെ, ഇന്ത്യൻ സ്പിന്നർ വരുൺ ചക്രവർത്തി പങ്കുവെച്ച രസകരമായ ഒരു വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ലോകകപ്പ് നേട്ടത്തിന് പിന്നാലെ താരങ്ങൾ പങ്കുവെക്കുന്ന ആഘോഷചിത്രങ്ങൾക്കും റീലുകൾക്കും ഇടയിൽ മലയാളികൾക്ക് ഏറെ പ്രിയപ്പെട്ട ‘രംഗൻ ചേട്ടൻ’ സ്റ്റൈലിലാണ് വരുൺ പ്രത്യക്ഷപ്പെട്ടിരിക്കുന്നത്.
മലയാള ഹിറ്റ് ചിത്രം ‘ആവേശ’ത്തിലെ ഫഹദ് ഫാസിലിന്റെ ഐക്കോണിക് കഥാപാത്രത്തെയാണ് വരുൺ തന്റെ റീലിലൂടെ അനുകരിച്ചിരിക്കുന്നത്. “രംഗൻ ചേട്ടൻ കാണിക്കുമെന്ന് പറഞ്ഞാൽ കാണിക്കും” എന്ന ഹിറ്റ് ഡയലോഗിനൊപ്പം, സിനിമയിലെ തകർപ്പൻ പാട്ടിന് ചുവടുവെക്കുന്ന വരുണിന്റെ വീഡിയോ ആരാധകർ ഏറ്റെടുത്തു കഴിഞ്ഞു. കേരളവുമായി അടുത്ത ബന്ധമുള്ള വരുണിന്റെ ഈ മലയാളം റീലിന് താഴെ നിരവധി രസകരമായ കമന്റുകളാണ് വരുന്നത്.
Also Read:ഗൂഢാലോചനയല്ല, ഇത് ആധിപത്യം! ഇന്ത്യയുടെ ലോകകപ്പ് വിജയത്തിൽ പാക് ക്രിക്കറ്റ് ലോകം രണ്ടായി പിളരുന്നു
വെറുമൊരു ആഘോഷം മാത്രമല്ല, ഈ ലോകകപ്പ് വിജയത്തിൽ നിർണ്ണായക പങ്കുവഹിച്ച താരം കൂടിയാണ് വരുൺ ചക്രവർത്തി. ടൂർണമെന്റിൽ ഏറ്റവും കൂടുതൽ വിക്കറ്റുകൾ നേടിയ താരങ്ങളുടെ പട്ടികയിൽ 14 വിക്കറ്റുകളുമായി ജസ്പ്രീത് ബുമ്രയ്ക്കൊപ്പം ഒന്നാം സ്ഥാനം പങ്കിടുകയാണ് വരുൺ. മികച്ച പ്രകടനത്തിലൂടെയും ഇപ്പോൾ ഈ വെറൈറ്റി ആഘോഷത്തിലൂടെയും ക്രിക്കറ്റ് ലോകത്തെ ശ്രദ്ധാകേന്ദ്രമായി മാറിയിരിക്കുകയാണ് ഈ സ്പിൻ മാന്ത്രികൻ.
The post കളിക്കളത്തിൽ വിക്കറ്റ് വേട്ട, സോഷ്യൽ മീഡിയയിൽ രംഗൻ ചേട്ടൻ; വൈറലായി വരുൺ ചക്രവർത്തി appeared first on Express Kerala.
