പശ്ചിമേഷ്യയിൽ യുദ്ധം ആളിപ്പടരുന്നതിനിടെ സമാധാന ചർച്ചകൾക്കായി ഇറാനോട് ആവശ്യപ്പെട്ട് തുർക്കി പ്രസിഡന്റ് റജബ് തയ്യിബ് എർദോഗൻ. എന്നാൽ ചർച്ചകളോട് ഇറാൻ ഇതുവരെ അനുകൂലമായി പ്രതികരിച്ചിട്ടില്ല. സംഘർഷം തടയാൻ റഷ്യയും ചൈനയും തങ്ങളെ സമീപിച്ചതായി ഇറാൻ അവകാശപ്പെടുമ്പോഴും, അയൽരാജ്യങ്ങൾക്കെതിരായ ആക്രമണം ഇറാൻ ശക്തമാക്കിയിരിക്കുകയാണ്.
തുർക്കി പ്രസിഡന്റുമായി നടത്തിയ ഫോൺ സംഭാഷണത്തിലാണ് ഇറാൻ തങ്ങളുടെ കടുത്ത നിലപാട് ആവർത്തിച്ചത്. തുർക്കിയിൽ വിനാശം വിതച്ച ആയുധങ്ങൾ തങ്ങളുടേതല്ലെന്ന് ഇറാൻ വാദിക്കുന്നുണ്ടെങ്കിലും ചർച്ചയ്ക്കുള്ള വാഗ്ദാനങ്ങൾ തള്ളുകയായിരുന്നു. “ആക്രമണം തുടങ്ങിയവർ തന്നെ അത് അവസാനിപ്പിക്കട്ടെ” എന്ന നിലപാടിലാണ് ഇറാൻ ഭരണകൂടം.
Also Read:ഇറാൻ കപ്പലുകൾ പിടിച്ചെടുക്കുന്നതിനേക്കാൾ മുക്കിക്കളയുന്നതാണ് ‘രസകരം’; വിവാദ പ്രസ്താവനയുമായി ട്രംപ്
അതേസമയം, മേഖലയിലെ മറ്റ് അറബ് രാജ്യങ്ങളിൽ ഇറാൻ നടത്തിയ ആക്രമണങ്ങൾ കടുത്ത രക്തച്ചൊരിച്ചിലിന് കാരണമായിട്ടുണ്ട്. ബഹ്റൈനിൽ ഇറാൻ നടത്തിയ ആക്രമണത്തിൽ 29 വയസ്സുള്ള യുവതി കൊല്ലപ്പെടുകയും എട്ടുപേർക്ക് പരിക്കേൽക്കുകയും ചെയ്തു. സൗദി അറേബ്യയിലെ അൽ ഷൈബ എണ്ണപ്പാടത്തിന് നേരെ നിരന്തരമായ ഡ്രോൺ ആക്രമണങ്ങളാണ് നടക്കുന്നത്. റിയാദിലെ കിഴക്കൻ മേഖലയും അൽ ഖർജും ലക്ഷ്യമിട്ടുള്ള ആക്രമണങ്ങൾ തുടരുകയാണ്. യുഎഇയുടെ ഇറാഖിലെ കോൺസുലേറ്റിന് നേരെ നടന്ന ആക്രമണം വലിയ നയതന്ത്ര പ്രതിഷേധത്തിന് വഴിവെച്ചിട്ടുണ്ട്.
The post യുദ്ധം നിർത്തണമെന്ന് തുർക്കി! അനുകൂലമായി പ്രതികരിക്കാതെ ഇറാൻ appeared first on Express Kerala.
