പശ്ചിമേഷ്യൻ സംഘർഷം 11-ാം ദിവസത്തിലേക്ക് കടക്കുമ്പോൾ ഇസ്രയേൽ മന്ത്രി ഇറ്റാമർ ബെൻ ഗ്വിറും പ്രധാനമന്ത്രി ബെഞ്ചമിൻ നെതന്യാഹുവിന്റെ സഹോദരൻ ഇദ്ദോ നെതന്യാഹുവും കൊല്ലപ്പെട്ടെന്ന തരത്തിൽ സമൂഹമാധ്യമങ്ങളിൽ പ്രചരിക്കുന്ന വാർത്തകൾ അടിസ്ഥാനരഹിതമാണെന്ന് റിപ്പോർട്ടുകൾ വ്യക്തമാക്കുന്നു. ‘ഓപ്പറേഷൻ എപ്പിക് ഫ്യൂറി’ എന്ന പേരിൽ അമേരിക്കയും ഇസ്രയേലും സംയുക്തമായി നടത്തുന്ന സൈനിക നീക്കത്തിനിടെ ഇറാനിൽ കനത്ത നാശനഷ്ടങ്ങൾ സംഭവിച്ചിട്ടുണ്ട്. ഇതിന് മറുപടിയായി ഇറാൻ നടത്തിയ പ്രത്യാക്രമണത്തിലാണ് ഇസ്രയേലിലെ പ്രമുഖർ കൊല്ലപ്പെട്ടതെന്ന പ്രചരണം ശക്തമായത്.
ബെൻ ഗ്വിറിന്റെ വീടിന് തീപിടിച്ചെന്നും ഗുരുതരമായി പരിക്കേറ്റ അദ്ദേഹം മരണപ്പെട്ടുവെന്നുമാണ് സമൂഹമാധ്യമങ്ങളിലെ പ്രധാന അവകാശവാദം. ഇറാൻ ആക്രമണത്തിൽ നിന്നുള്ള പരിക്ക് മറച്ചുവെക്കാൻ മന്ത്രി വാഹനാപകടത്തിൽ പെട്ടുവെന്ന് ഇസ്രയേലി മാധ്യമങ്ങൾ കള്ളം പ്രചരിപ്പിക്കുകയാണെന്നും ചില ഹാൻഡിലുകൾ ആരോപിച്ചിരുന്നു. എന്നാൽ, ടെൽ അവീവിലെ അദ്ദേഹത്തിന്റെ വീടിന് നേരെ ആക്രമണമുണ്ടായതിനോ മരണപ്പെട്ടതിനോ യാതൊരുവിധ ഔദ്യോഗിക സ്ഥിരീകരണവും ഇതുവരെ പുറത്തുവന്നിട്ടില്ല. സമാനമായ രീതിയിൽഇദ്ദോ നെതന്യാഹുവിന്റെ മരണവാർത്തയും വ്യാജമാണെന്നാണ് നിലവിലെ വിവരങ്ങൾ സൂചിപ്പിക്കുന്നത്.
Also Read:ഒറ്റയടിക്ക് തകർക്കാൻ ഇറാൻ! ഒരു ടൺ ഭാരമുള്ള പോർമുനകളുമായി മിസൈലുകൾ തയ്യാർ; ഇസ്രയേലിന് കടുത്ത ഭീഷണി
ഇറാൻ നടത്തിയ തിരിച്ചടിയിൽ ഇസ്രയേലിനും നാശനഷ്ടങ്ങൾ സംഭവിച്ചിട്ടുണ്ടെന്നത് യാഥാർത്ഥ്യമാണെങ്കിലും, ഉന്നത വ്യക്തികളുടെ മരണത്തെക്കുറിച്ചുള്ള വാർത്തകൾ യുദ്ധകാലത്തെ വ്യാജപ്രചരണങ്ങളുടെ ഭാഗമാണെന്ന് വിലയിരുത്തപ്പെടുന്നു. ഇറാനെ സഹായിക്കുന്ന രാജ്യങ്ങളും പശ്ചിമേഷ്യയിലെ അമേരിക്കൻ താവളങ്ങളും ആക്രമണത്തിന്റെ നിഴലിലാണ്. =
The post ഇസ്രയേൽ മന്ത്രി ബെൻ ഗ്വിറും നെതന്യാഹുവിന്റെ സഹോദരനും കൊല്ലപ്പെട്ടോ? വാർത്തകളുടെ സത്യമെന്ത് appeared first on Express Kerala.
