സ്വർണ്ണവില വീണ്ടും കുതിക്കുന്നു; രണ്ട് ദിവസത്തിനിടെ പവന് 1200 രൂപയുടെ വർധനവ്

സംസ്ഥാനത്ത് സ്വർണ്ണവില വീണ്ടും കുതിച്ചുയരുന്നു. കഴിഞ്ഞ രണ്ട് ദിവസത്തിനിടെ പവന് 1200 രൂപയുടെ വർധനവാണ് രേഖപ്പെടുത്തിയിരിക്കുന്നത്. ഇന്ന് മാത്രം പവന് 680 രൂപ വർധിച്ച് ഒരു പവൻ സ്വർണ്ണത്തിന്റെ വില 1,19,760 രൂപയായി. ഗ്രാമിന് 85 രൂപ കൂടി 14,970 രൂപയിലാണ് ഇന്ന് വ്യാപാരം നടക്കുന്നത്. ജനുവരി 29-ന് രേഖപ്പെടുത്തിയ 1,31,160 രൂപയാണ് കേരള ചരിത്രത്തിലെ ഏറ്റവും ഉയർന്ന നിരക്കെങ്കിലും, ഈ മാസം വലിയ ഏറ്റക്കുറച്ചിലുകളാണ് വിപണിയിൽ ദൃശ്യമാകുന്നത്. മാർച്ച് ഒന്നിന് 1,26,920 രൂപയായിരുന്ന സ്വർണ്ണവില പിന്നീട് കുറഞ്ഞ് മാർച്ച് 6-ന് ഈ മാസത്തെ ഏറ്റവും കുറഞ്ഞ നിരക്കായ 1,18,160 രൂപയിലെത്തിയിരുന്നു. എന്നാൽ തുടർന്നുള്ള ദിവസങ്ങളിൽ വില വീണ്ടും ഉയരുകയായിരുന്നു.

മാർച്ച് മാസത്തെ വില നിലവാരം പരിശോധിച്ചാൽ, മാർച്ച് 2-ന് രാവിലെ 1,24,520 രൂപയും വൈകുന്നേരം 1,25,040 രൂപയുമായിരുന്നു നിരക്ക്. മാർച്ച് 3-ന് രാവിലെ 1,24,680 രൂപയായിരുന്നത് വൈകുന്നേരത്തോടെ 1,22,920 രൂപയിലേക്ക് താഴ്ന്നു. മാർച്ച് 4-ന് 1,20,640 രൂപയും, മാർച്ച് 5-ന് രാവിലെ 1,19,920 രൂപയും വൈകുന്നേരം 1,19,440 രൂപയുമായിരുന്നു വില. മാർച്ച് 6-ന് രാവിലെ 1,18,880 രൂപയായി കുറഞ്ഞ വില വൈകുന്നേരത്തോടെ 1,18,160 രൂപയിലെത്തി ഈ മാസത്തെ ഏറ്റവും കുറഞ്ഞ നിരക്ക് രേഖപ്പെടുത്തി. തുടർന്ന് മാർച്ച് 7, 8 തീയതികളിൽ 1,20,000 രൂപയിലും മാർച്ച് 9-ന് 1,18,560 രൂപയിലും മാർച്ച് 10-ന് 1,19,080 രൂപയിലുമായിരുന്നു വ്യാപാരം. അതേസമയം വെള്ളി വിലയിൽ മാറ്റമില്ലാതെ ഗ്രാമിന് 290 രൂപ എന്ന നിരക്കിൽ തുടരുന്നു.

The post സ്വർണ്ണവില വീണ്ടും കുതിക്കുന്നു; രണ്ട് ദിവസത്തിനിടെ പവന് 1200 രൂപയുടെ വർധനവ് appeared first on Express Kerala.