ഹോർമുസ് കടലിടുക്കിൽ മൈനുകൾ നിക്ഷേപിക്കാൻ ശ്രമിച്ച ഇറാന്റെ 16 കപ്പലുകൾ തകർത്തതായി അമേരിക്ക അറിയിച്ചു. ഇറാൻ കടലിൽ മൈനുകൾ സ്ഥാപിക്കുന്നതിനെതിരെ പ്രസിഡന്റ് ട്രംപ് നേരത്തെ നൽകിയ കർശന മുന്നറിയിപ്പിന് പിന്നാലെയാണ് അമേരിക്കൻ സൈന്യത്തിന്റെ ഈ നിർണ്ണായക നീക്കം. തകർത്ത കപ്പലുകളുടെ ദൃശ്യങ്ങളും സൈന്യം പുറത്തുവിട്ടിട്ടുണ്ട്. ഇറാന്റെ സൈനികശേഷി ദുർബലപ്പെടുത്തുന്നതിൽ അമേരിക്കൻ സൈന്യം വിജയിച്ചുവെന്നും ലക്ഷ്യങ്ങൾ ഉടൻ പൂർത്തിയാകുമെന്നും അമേരിക്ക വ്യക്തമാക്കി.
അതിനിടെ, ഇറാനിലെ ഇസ്ഫഹാനിലുള്ള റഷ്യൻ കോൺസുലേറ്റിന് നേരെ ആക്രമണമുണ്ടായതായി റഷ്യൻ വിദേശകാര്യമന്ത്രാലയം അറിയിച്ചു. ആക്രമണത്തിൽ ഓഫീസ് കെട്ടിടത്തിന് കേടുപാടുകൾ സംഭവിച്ചെങ്കിലും ആർക്കും പരിക്കേറ്റതായി റിപ്പോർട്ടുകളില്ല. ഇത് അന്താരാഷ്ട്ര നിയമങ്ങളുടെ ലംഘനമാണെന്ന് റഷ്യ പ്രതികരിച്ചു.
ഇറാനുമായുള്ള യുദ്ധത്തിൽ ഇതുവരെ 150 അമേരിക്കൻ സൈനികർക്ക് പരിക്കേറ്റതായാണ് റോയിട്ടേഴ്സ് റിപ്പോർട്ട് ചെയ്യുന്നത്. പരിക്കേറ്റവരുടെ യഥാർത്ഥ കണക്കുകൾ ഇതാദ്യമായാണ് പുറത്തുവരുന്നത്. നേരത്തെ 8 പേർക്ക് മാത്രമാണ് പരിക്കേറ്റതെന്നായിരുന്നു ഔദ്യോഗിക വിശദീകരണം. എന്നാൽ പിന്നീട് 140 പേർക്ക് പരിക്കേറ്റതായി അമേരിക്ക സമ്മതിച്ചു. ഇതിൽ 108 പേർ സുഖം പ്രാപിച്ച് തിരികെ ജോലിയിൽ പ്രവേശിച്ചതായും 8 പേരുടെ പരിക്ക് ഗുരുതരമാണെന്നും അധികൃതർ വ്യക്തമാക്കി.
NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (Generated by AI)
The post ഇറാന് കനത്ത പ്രഹരം! 16 കപ്പലുകൾ തകർത്തെന്ന് അമേരിക്ക; റഷ്യൻ കോൺസുലേറ്റിന് നേരെ ആക്രമണം appeared first on Express Kerala.
