കുവൈത്ത് അന്താരാഷ്ട്ര വിമാനത്താവളത്തിന് നേരെ ഡ്രോൺ ആക്രമണം; ആളപായമില്ല

കുവൈത്ത്: കുവൈത്ത് അന്താരാഷ്ട്ര വിമാനത്താവളത്തിന് നേരെ വ്യാഴാഴ്ച പുലർച്ചെയോടെ ഡ്രോൺ ആക്രമണമുണ്ടായി. വിമാനത്താവളത്തെ ലക്ഷ്യമിട്ട് നിരവധി ഡ്രോണുകൾ എത്തിയതായും ആക്രമണത്തിൽ വിമാനത്താവളത്തിലെ ചില ഭാഗങ്ങൾക്ക് ഭൗതികമായ നാശനഷ്ടങ്ങൾ സംഭവിച്ചതായും സിവിൽ ഏവിയേഷൻ ജനറൽ ഡയറക്ടറേറ്റ് സ്ഥിരീകരിച്ചു. എന്നാൽ സംഭവത്തിൽ ആർക്കും പരിക്കേൽക്കുകയോ ആളപായം സംഭവിക്കുകയോ ചെയ്തിട്ടില്ലെന്ന് അധികൃതർ വ്യക്തമാക്കി.

മേഖലയിലെ നിലവിലെ അസ്ഥിരമായ സുരക്ഷാ സാഹചര്യങ്ങൾ മുൻനിർത്തി വിമാനത്താവളത്തിൽ നേരത്തെ തന്നെ അടിയന്തര പ്രവർത്തന പദ്ധതി നടപ്പിലാക്കിയിരുന്നു. ഇതിന്റെ ഭാഗമായി ബന്ധപ്പെട്ട ദേശീയ സുരക്ഷാ ഏജൻസികളുമായും പ്രതിരോധ വിഭാഗങ്ങളുമായും ഏകോപിപ്പിച്ചു നടത്തിയ ദ്രുതഗതിയിലുള്ള ഇടപെടലിലൂടെ സ്ഥിതിഗതികൾ ഉടൻ തന്നെ നിയന്ത്രണവിധേയമാക്കാൻ സാധിച്ചുവെന്ന് സിവിൽ ഏവിയേഷൻ വക്താവ് അറിയിച്ചു.

Also Read: ദുബായ് ക്രീക്ക് ഹാർബറിൽ ഡ്രോൺ ആക്രമണം; കെട്ടിടത്തിൽ തീപ്പിടിത്തം, ആളപായമില്ല

ആക്രമണത്തെത്തുടർന്ന് വിമാനത്താവളത്തിന്റെ പ്രവർത്തനം തടസ്സപ്പെടാതിരിക്കാനും യാത്രക്കാരുടെ സുരക്ഷ ഉറപ്പാക്കാനുമുള്ള എല്ലാ മുൻകരുതലുകളും സ്വീകരിച്ചിട്ടുണ്ട്. വ്യോമയാന സുരക്ഷ ഉറപ്പാക്കുന്നതിൽ അതോറിറ്റി പ്രതിജ്ഞാബദ്ധമാണെന്നും ഔദ്യോഗിക സ്രോതസ്സുകളിൽ നിന്നുള്ള വിവരങ്ങൾ മാത്രം ജനങ്ങൾ വിശ്വസിക്കണമെന്നും അധികൃതർ കൂട്ടിച്ചേർത്തു.

NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (Generated by AI)

The post കുവൈത്ത് അന്താരാഷ്ട്ര വിമാനത്താവളത്തിന് നേരെ ഡ്രോൺ ആക്രമണം; ആളപായമില്ല appeared first on Express Kerala.