ഒമാൻ ഖസബിൽ വ്യോമാതിർത്തി ലംഘിച്ചെത്തിയ ഡ്രോൺ വെടിവെച്ചിട്ടു

ഒമാനിലെ മുസന്ദം ഗവർണറേറ്റിൽ ഉൾപ്പെട്ട ഖസബ് വിലായത്തിന് മുകളിലൂടെ പറന്ന ഡ്രോൺ സുരക്ഷാ അധികൃതർ വെടിവെച്ചിട്ടു. വ്യോമാതിർത്തി ലംഘിച്ചെത്തിയ ആളില്ലാ വിമാനത്തെ ഉദ്യോഗസ്ഥർ തടയുകയും വിജയകരമായി താഴെയിറക്കുകയുമായിരുന്നു. സംഭവത്തിൽ ആർക്കും പരിക്കേൽക്കുകയോ മറ്റ് ഭൗതികമായ നാശനഷ്ടങ്ങൾ സംഭവിക്കുകയോ ചെയ്തിട്ടില്ലെന്ന് വാർത്താ ഏജൻസികൾ റിപ്പോർട്ട് ചെയ്തു.

രാജ്യത്തിന്റെ സുരക്ഷ ഉറപ്പാക്കുന്നതിനായി എല്ലാ മേഖലകളിലും കർശനമായ നിരീക്ഷണം തുടരുകയാണെന്ന് ഒമാനി സുരക്ഷാ ഉദ്യോഗസ്ഥർ വ്യക്തമാക്കി. നിലവിൽ സ്ഥിതിഗതികൾ പൂർണ്ണമായും നിയന്ത്രണവിധേയമാണെന്നും ആശങ്കപ്പെടേണ്ട സാഹചര്യമില്ലെന്നും അധികൃതർ അറിയിച്ചു. സുൽത്താനേറ്റിന്റെ സുരക്ഷ മുൻനിർത്തി ബന്ധപ്പെട്ട ഏജൻസികൾ ജാഗ്രതയോടെയുള്ള നീക്കങ്ങളാണ് നടത്തിവരുന്നത്.

The post ഒമാൻ ഖസബിൽ വ്യോമാതിർത്തി ലംഘിച്ചെത്തിയ ഡ്രോൺ വെടിവെച്ചിട്ടു appeared first on Express Kerala.