കെ.പി.സി.സി. പ്രസിഡന്റ് കെ. സുധാകരന്റെ കടുത്ത അതൃപ്തിയെത്തുടർന്ന് കോൺഗ്രസിനുള്ളിൽ നാടകീയ നീക്കങ്ങൾ തുടരുന്നു. ആദ്യഘട്ടത്തിൽ 55 സ്ഥാനാർത്ഥികളെ പ്രഖ്യാപിച്ചെങ്കിലും സുധാകരൻ മത്സരിക്കാൻ ആഗ്രഹിക്കുന്ന കണ്ണൂർ മണ്ഡലത്തെ പട്ടികയിൽ നിന്ന് ഒഴിവാക്കിയത് അദ്ദേഹത്തെ പ്രകോപിപ്പിച്ചിട്ടുണ്ട്. തന്നെ വിശ്വാസത്തിലെടുക്കാതെയാണ് സ്ഥാനാർത്ഥി നിർണ്ണയം നടക്കുന്നതെന്നും നൽകിയ ഉറപ്പുകൾ പാലിക്കപ്പെട്ടില്ലെന്നുമാണ് സുധാകരന്റെ പ്രധാന പരാതി.
പ്രശ്നപരിഹാരത്തിനായി രമേശ് ചെന്നിത്തലയുടെ നേതൃത്വത്തിൽ മുതിർന്ന നേതാക്കൾ സുധാകരനുമായി കൂടിക്കാഴ്ച നടത്തിയെങ്കിലും ഫലമുണ്ടായില്ല. തന്റെ നിലപാടിൽ വിട്ടുവീഴ്ചയില്ലെന്ന് അദ്ദേഹം വ്യക്തമാക്കിയതായാണ് സൂചന. എം.പിമാർ ആരും ആദ്യ പട്ടികയിൽ ഇടംപിടിച്ചിട്ടില്ലെങ്കിലും, അടൂർ പ്രകാശും സുധാകരനും ആവശ്യപ്പെട്ട സീറ്റുകളിൽ നിലവിൽ സ്ഥാനാർത്ഥികളെ പ്രഖ്യാപിച്ചിട്ടുമില്ല.
Also Read:പാലക്കാട് പോരാട്ടത്തിന് രമേഷ് പിഷാരടി; കലാരംഗത്തിന് അർധവിരാമമിട്ട് ജന്മനാട്ടിലേക്ക്
ബുധനാഴ്ച ഡൽഹിയിൽ നടക്കാനിരിക്കുന്ന കേന്ദ്ര തിരഞ്ഞെടുപ്പ് സമിതി യോഗത്തിന് ശേഷം സുധാകരൻ മാധ്യമങ്ങളെ കണ്ട് തന്റെ രാഷ്ട്രീയ നിലപാട് വ്യക്തമാക്കുമെന്നാണ് വിവരം. കണ്ണൂരിലെ ഈ പൊട്ടിത്തെറി വരാനിരിക്കുന്ന തിരഞ്ഞെടുപ്പിൽ യു.ഡി.എഫിന്റെ ഒരുമയെ ബാധിക്കുമോ എന്ന ആശങ്കയിലാണ് പ്രവർത്തകർ.
The post കണ്ണൂരിനെച്ചൊല്ലി കോൺഗ്രസിൽ തർക്കം; കെ. സുധാകരൻ ഇടയുന്നു, ആദ്യ പട്ടികയിൽ പേരില്ല appeared first on Express Kerala.
