ഉരുളക്കിഴങ്ങ് ഇത്രയും പവർഫുൾ ആണോ? ഈ വിദ്യ ഒന്ന് പരീക്ഷിക്കൂ…

അടുക്കളയിലെ വിഭവങ്ങളിൽ ഒഴിച്ചുകൂടാനാവാത്ത ഉരുളക്കിഴങ്ങ് വെറുമൊരു പച്ചക്കറി മാത്രമല്ല, മികച്ചൊരു സൗന്ദര്യവർദ്ധക വസ്തു കൂടിയാണെന്ന് എത്രപേർക്കറിയാം? പച്ചക്കറി അരിയുന്ന കൂട്ടത്തിൽ നമ്മൾ നിസ്സാരമായി വലിച്ചെറിയുന്ന ഉരുളക്കിഴങ്ങ് തൊലി ഉപയോഗിച്ച് മുടിയിലെ നര മാറ്റാമെന്നതാണ് പുതിയ കണ്ടെത്തൽ. രാസവസ്തുക്കൾ അടങ്ങിയ ഹെയർ ഡൈകൾ ഉപയോഗിച്ച് മുടിയുടെ ആരോഗ്യം നശിപ്പിക്കുന്നവർക്ക് പാർശ്വഫലങ്ങളില്ലാത്ത മികച്ചൊരു പ്രകൃതിദത്ത പരിഹാരമാണിത്.

Also Read: ക്രിസ്മസ് വൈബിൽ ക്രഞ്ച് അലർട്ട്! ജെൻ സി ടച്ചോടെ ട്രെൻഡി, ടേസ്റ്റി ‘ക്രാക്കർ’

മുടി നരയ്ക്കുന്നത് മുപ്പതുകളിലോ നാൽപ്പതുകളിലോ മാത്രമാണെന്ന ധാരണ ഇന്ന് മാറിവരികയാണ്. ജനിതകപരമായ കാരണങ്ങൾ, അമിതമായ മാനസിക സമ്മർദ്ദം, മാറിയ ജീവിതശൈലി എന്നിവ കാരണം കൗമാരക്കാരിലും യുവാക്കളിലും ഇന്ന് അകാലനര വ്യാപകമായി കണ്ടുവരുന്നു. മുടിക്ക് കറുപ്പ് നിറം നൽകുന്ന മെലാനിൻ എന്ന പിഗ്മെന്റിന്റെ ഉത്പാദനത്തിൽ ഉണ്ടാകുന്ന കുറവാണ് മുടി നരയ്ക്കാൻ പ്രധാന കാരണമാകുന്നത്.

ഉരുളക്കിഴങ്ങ് തൊലിയിൽ അടങ്ങിയിരിക്കുന്ന സ്റ്റാർച്ചും മറ്റ് ഘടകങ്ങളും നരച്ച മുടിക്ക് സ്വാഭാവികമായ നിറം നൽകാൻ സഹായിക്കുന്നു. ഉരുളക്കിഴങ്ങ് തൊലി വെള്ളത്തിലിട്ട് നന്നായി തിളപ്പിച്ച ശേഷം ആ വെള്ളം അരിച്ചെടുത്ത് മുടിയിൽ പുരട്ടുന്നത് നരയെ പ്രതിരോധിക്കാൻ സഹായിക്കും. മുടിയുടെ ആരോഗ്യം സംരക്ഷിക്കാനും തിളക്കം വർദ്ധിപ്പിക്കാനും ഈ പ്രകൃതിദത്ത വിദ്യ ഒന്ന് പരീക്ഷിച്ചു നോക്കാവുന്നതാണ്.

ഉരുളക്കിഴങ്ങ് തൊലി

ഉരുളക്കിഴങ്ങിൻ്റെ തൊലി പിഗ്മെൻ്റേഷൻ വർധിപ്പിച്ച് നരച്ച മുടിക്ക് നിറം നൽകാൻ ഏറെ ഗുണപ്രദമാണ്.

ഉരുളക്കിഴങ്ങ് തൊലിയിലേയ്ക്ക് രണ്ട് കപ്പ് വെള്ളം ഒഴിക്കാം.

5 മിനിറ്റിനു ശേഷം ഇത് തിളപ്പിക്കാം. ശേഷം വെള്ളം തണുക്കാൻ മാറ്റി വയ്ക്കാം.

തണുത്ത വെള്ളത്തിൽ നിന്നും ഉരുളക്കിഴങ്ങിൻ്റെ തൊലി മാറ്റാം. വെള്ളം ഉപയോഗിച്ചു മുടി കഴുകാം.

ആഴ്ചയിൽ രണ്ടു തവണ ഇത് ഉപയോഗിക്കുന്നത് മികച്ച ഫലം നൽകും.

ഇക്കാര്യങ്ങൾ ശ്രദ്ധിക്കാം

ആദ്യമായി ഉപയോഗിക്കുമ്പോൾ പാച്ച് ടെസ്റ്റ് ചെയ്തു നോക്കാൻ മറക്കരുത്. അലർജിയോ അസ്വസ്ഥകളോ ഇല്ലെന്ന് ഉറപ്പാക്കിയതിനു ശേഷം ഇത് സ്ഥിരമായി ഉപയോഗിക്കാം.
The post ഉരുളക്കിഴങ്ങ് ഇത്രയും പവർഫുൾ ആണോ? ഈ വിദ്യ ഒന്ന് പരീക്ഷിക്കൂ… appeared first on Express Kerala.