എഫ്‌സിആർഎ ഭേദഗതി; ന്യൂനപക്ഷ സ്ഥാപനങ്ങളെ തകർക്കാനുള്ള നീക്കമെന്ന് രമേശ് ചെന്നിത്തല

കേന്ദ്ര സർക്കാരിന്റെ വിദേശ സംഭാവന നിയന്ത്രണ നിയമ (FCRA) ഭേദഗതിക്കെതിരെ രൂക്ഷവിമർശനവുമായി രമേശ് ചെന്നിത്തല. ന്യൂനപക്ഷ സ്ഥാപനങ്ങളെയും സന്നദ്ധ സംഘടനകളെയും തകർക്കാനുള്ള ബോധപൂർവമായ നീക്കമാണിതെന്ന് അദ്ദേഹം ആരോപിച്ചു. രാജ്യത്തിന്റെ അഭിമാനമായ പല സ്ഥാപനങ്ങളുടെയും പ്രവർത്തനങ്ങളെ ഈ ഭേദഗതി പ്രതികൂലമായി ബാധിക്കുമെന്നും അദ്ദേഹം പറഞ്ഞു.

മതന്യൂനപക്ഷങ്ങളുടെ കീഴിലുള്ള വിദ്യാഭ്യാസ-ആരോഗ്യ സ്ഥാപനങ്ങളെ ലക്ഷ്യമിട്ടുള്ള നീക്കം അത്യന്തം അപലപനീയമാണ്. പുതിയ ഭേദഗതിയിലൂടെ സന്നദ്ധ സംഘടനകളുടെ (NGO) സ്വത്തുക്കൾ പിടിച്ചെടുക്കാൻ കേന്ദ്രത്തിന് അധികാരം ലഭിക്കും. ഇത് സേവന മേഖലയിൽ പ്രവർത്തിക്കുന്ന സംഘടനകളുടെ നട്ടെല്ലൊടിക്കും. കോൺഗ്രസ് ഇതിനോടകം തന്നെ പാർലമെന്റിനകത്തും പുറത്തും ഈ ബില്ലിനെതിരെ പ്രതിഷേധം ശക്തമാക്കിയിട്ടുണ്ട്. ജനാധിപത്യ വിരുദ്ധമായ ഈ ഭേദഗതിയിൽ നിന്ന് കേന്ദ്ര സർക്കാർ അടിയന്തരമായി പിന്തിരിയണമെന്ന് ചെന്നിത്തല ആവശ്യപ്പെട്ടു.

The post എഫ്‌സിആർഎ ഭേദഗതി; ന്യൂനപക്ഷ സ്ഥാപനങ്ങളെ തകർക്കാനുള്ള നീക്കമെന്ന് രമേശ് ചെന്നിത്തല appeared first on Express Kerala.