ഹോർമുസ് കടലിടുക്കിലെ സംഘർഷാവസ്ഥയിൽ ഐക്യരാഷ്ട്രസഭയുടെ സുരക്ഷാ സമിതി അടിയന്തരമായി ഇടപെടണമെന്ന് യുഎഇയും ബഹ്റൈനും ആവശ്യപ്പെട്ടു. ബഹ്റൈൻ മുന്നോട്ടുവെച്ച ശക്തമായ നിലപാടുകൾക്ക് യുഎഇ പൂർണ്ണ പിന്തുണ പ്രഖ്യാപിച്ചു. അന്താരാഷ്ട്ര കപ്പൽ ഗതാഗതം തടസ്സപ്പെടുന്നത് ലോകസമാധാനത്തിനും ഭക്ഷ്യ-ഊർജ്ജ സുരക്ഷയ്ക്കും വലിയ ഭീഷണിയാണെന്ന് ഇരുരാജ്യങ്ങളും മുന്നറിയിപ്പ് നൽകി.
ഫെബ്രുവരി 28 മുതൽ ഹോർമുസ് കടലിടുക്കിലൂടെയുള്ള എണ്ണക്കപ്പൽ ഗതാഗതത്തിൽ 90 ശതമാനത്തിലധികം കുറവുണ്ടായതായി ബഹ്റൈൻ വിദേശകാര്യമന്ത്രി അബ്ദുല്ലത്തീഫ് ബിൻ റാഷിദ് അൽ സയാനി ചൂണ്ടിക്കാട്ടി. ഇത് ഊർജ്ജ പ്രതിസന്ധിക്ക് പുറമെ വളം ക്ഷാമത്തിലേക്കും അതുവഴി ആഗോളതലത്തിൽ പട്ടിണി വർധിക്കുന്നതിലേക്കും നയിക്കും.
Also Read: സൈബർ തട്ടിപ്പുകൾക്കെതിരെ ജാഗ്രത; സുരക്ഷാ നിർദ്ദേശങ്ങളുമായി ദുബായ് ജിഡിആർഎഫ്എ
ദക്ഷിണേഷ്യൻ രാജ്യങ്ങൾ ഉൾപ്പെടെയുള്ള വികസ്വര രാജ്യങ്ങളെയാണ് ഇത് ഏറ്റവും കൂടുതൽ ബാധിക്കുക. ഇറാൻ നേരത്തെയുള്ള യുഎൻ പ്രമേയങ്ങൾ ലംഘിക്കുന്ന സാഹചര്യത്തിൽ, കപ്പൽ യാത്രയ്ക്കുള്ള സ്വാതന്ത്ര്യം ഉറപ്പാക്കാൻ ബഹ്റൈൻ സുരക്ഷാ സമിതിയിൽ പുതിയൊരു കരട് പ്രമേയം സമർപ്പിച്ചു. അന്താരാഷ്ട്ര നിയമങ്ങൾ പരസ്യമായി വെല്ലുവിളിക്കപ്പെടുമ്പോൾ നടപടിയെടുക്കാൻ തയ്യാറായില്ലെങ്കിൽ സുരക്ഷാ സമിതിയുടെ വിശ്വാസ്യത തന്നെ ചോദ്യം ചെയ്യപ്പെടുമെന്ന് ബഹ്റൈൻ ഓർമ്മിപ്പിച്ചു.
The post ഹോർമുസ് പ്രതിസന്ധി! ഇതൊരു ആഗോള അടിയന്തരാവസ്ഥ; സുരക്ഷാ സമിതി ഉടൻ ഇടപെടണമെന്ന് യുഎഇയും ബഹ്റൈനും appeared first on Express Kerala.
