ഇറാനിൽ തകർന്നുവീണ അമേരിക്കൻ എഫ്-15ഇ പോർവിമാനത്തിലെ വൈമാനികരെ രക്ഷിക്കാൻ അമേരിക്ക നടത്തിയ നീക്കങ്ങൾ വലിയ അന്താരാഷ്ട്ര വിവാദങ്ങൾക്ക് വഴിതെളിക്കുന്നു. നടപടികളെ ‘ധീരമായ രക്ഷാപ്രവർത്തനം’ എന്ന് പ്രസിഡന്റ് ഡോണൾഡ് ട്രംപ് വിശേഷിപ്പിച്ചെങ്കിലും, ഈ ദൗത്യത്തിന് പിന്നിൽ നിഗൂഢമായ മറ്റ് ലക്ഷ്യങ്ങളുണ്ടായിരുന്നു എന്ന ആരോപണം ശക്തമാണ്.
യഥാർത്ഥത്തിൽ വൈമാനികരെ രക്ഷിക്കാനെന്ന പേരിൽ ഇറാനിൽ നിന്ന് സമ്പുഷ്ടീകരിച്ച യുറേനിയം കടത്താനുള്ള രഹസ്യ നീക്കമാണ് അമേരിക്ക നടത്തിയതെന്നാണ് പ്രധാനമായും ഉയരുന്ന ഗൂഢാലോചന സിദ്ധാന്തം. ഇസ്ഫഹാനിലെ ആണവനിലയത്തിൽ നിന്ന് വൻതോതിൽ യുറേനിയം കൈക്കലാക്കാനായിരുന്നു ഈ ശ്രമമെന്നും, ഇതിനായി നൂറിലധികം സൈനികരെയും വൻ വ്യോമസന്നാഹങ്ങളെയും ഉപയോഗിച്ചത് അസ്വാഭാവികമാണെന്നും വിമർശകർ ചൂണ്ടിക്കാട്ടുന്നു. ദൗത്യം പരാജയപ്പെട്ടതോടെ തെളിവുകൾ നശിപ്പിക്കാനാണ് അമേരിക്ക സ്വന്തം വിമാനങ്ങൾ തന്നെ തകർത്തതെന്നാണ് സോഷ്യൽ മീഡിയയിൽ പ്രചരിക്കുന്ന വാദം.
ഈ വിവാദങ്ങൾക്കിടെ അമേരിക്കൻ കരസേനാ മേധാവി ജനറൽ റാണ്ടി ജോർജിനെ പെട്ടെന്ന് പദവിയിൽ നിന്ന് നീക്കിയത് വലിയ ചർച്ചകൾക്ക് കാരണമായിട്ടുണ്ട്. ഇറാനിലെ യുറേനിയം പിടിച്ചെടുക്കാനുള്ള ട്രംപ് ഭരണകൂടത്തിന്റെ നീക്കത്തെ അദ്ദേഹം എതിർത്തതാണ് പുറത്താക്കാൻ കാരണമെന്ന റിപ്പോർട്ടുകൾ പെന്റഗൺ ഔദ്യോഗികമായി സ്ഥിരീകരിച്ചിട്ടില്ലെങ്കിലും, വൈറ്റ് ഹൗസിന്റെ വിശദീകരണങ്ങളെ ലോകം സംശയത്തോടെയാണ് നോക്കിക്കാണുന്നത്.
The post ഇറാനിൽ തകർന്നുവീണ അമേരിക്കൻ യുദ്ധവിമാനം; പൈലറ്റിനെ രക്ഷിക്കലോ അതോ യുറേനിയം വേട്ടയോ? appeared first on Express Kerala.
