നവംബർ മൂന്നിന് വിയ്യൂർ ജയിൽ പരിസരത്ത് നിന്ന് സുരക്ഷാ ഉദ്യോഗസ്ഥരെ വെട്ടിച്ച് കടന്നുകളഞ്ഞ കുപ്രസിദ്ധ കുറ്റവാളി ബാലമുരുകൻ തമിഴ്നാട്ടിൽ പിടിയിലായി. തമിഴ്നാട് പൊലീസിലെ പ്രത്യേക വിഭാഗമായ ക്യൂ ബ്രാഞ്ചാണ് പ്രതിയെ പിടികൂടിയത്. തമിഴ്നാട്ടിലെ ട്രിച്ചിക്ക് സമീപം ബൈക്കിൽ സഞ്ചരിക്കുമ്പോഴാണ് ബാലമുരുകൻ വലയിലായത്.
പിടികൂടിയ പ്രതിയെ ഊട്ടുമല പൊലീസ് സ്റ്റേഷനിൽ എത്തിച്ച ശേഷം മധുര പാളയം കോട്ട മജിസ്ട്രേറ്റിന് മുന്നിൽ ഹാജരാക്കി. തെങ്കാശി കോടതിയിൽ ഹാജരാക്കിയ പ്രതിയെ നിലവിൽ ജുഡീഷ്യൽ കസ്റ്റഡിയിൽ റിമാൻഡ് ചെയ്തിരിക്കുകയാണ്. ബാലമുരുകനെ കേരള പൊലീസിന് വിട്ടുനൽകുന്നതിനുള്ള നടപടികൾ ഉടൻ പൂർത്തിയാകുമെന്നാണ് റിപ്പോർട്ട്.
AlsoRead: വ്യാജ ചിത്രം പ്രചരിപ്പിച്ച സംഭവം! എൻ. സുബ്രഹ്മണ്യനെ നാളെ വീണ്ടും ചോദ്യം ചെയ്യും; ഫോൺ ഫോറൻസിക് പരിശോധനയിൽ
സംഭവത്തിന്റെ പശ്ചാത്തലം
കൊലപാതകം ഉൾപ്പെടെ 53 ഓളം ക്രിമിനൽ കേസുകളിൽ പ്രതിയാണ് ബാലമുരുകൻ. ഇക്കഴിഞ്ഞ നവംബർ മൂന്നിന് തമിഴ്നാട് പൊലീസ് സംഘം ഇയാളെ വിയ്യൂർ ജയിലിൽ എത്തിച്ച സമയത്താണ് നാടകീയമായി രക്ഷപ്പെട്ടത്. ജയിൽ പരിസരത്ത് വെച്ച് പ്രതി രക്ഷപ്പെട്ടത് വലിയ സുരക്ഷാവീഴ്ചയായി കണക്കാക്കുകയും വലിയ വിവാദങ്ങൾക്ക് വഴിതെളിക്കുകയും ചെയ്തിരുന്നു.
The post കുപ്രസിദ്ധ കുറ്റവാളി ബാലമുരുകൻ തമിഴ്നാട്ടിൽ പിടിയിൽ; കേരളത്തിന് കൈമാറും appeared first on Express Kerala.