‘ദിവസവും 20 മണിക്കൂർ ജോലി, അതിരാവിലെ 4 മണിക്ക് കോളുകൾ’: മുഖ്യമന്ത്രി വിജയുടെ പ്രവർത്തനരീതി വെളിപ്പെടുത്തി മന്ത്രി ആധവ് അർജുന

ചെന്നൈ: തമിഴ്‌നാട് മുഖ്യമന്ത്രിയായി അധികാരമേറ്റതിന് ശേഷമുള്ള 100 ദിവസത്തെ സേവനത്തിൽ, ഒരു ‘രാഷ്ട്രീയ സന്യാസിയെപ്പോലെ’ സദാസമയവും ഭരണകാര്യങ്ങളിൽ മാത്രം ശ്രദ്ധ കേന്ദ്രീകരിച്ച് പ്രവർത്തിക്കുകയാണ് സി. ജോസഫ് വിജയ് എന്ന് തമിഴ്‌നാട് മന്ത്രി ആധവ് അർജുന. തിരഞ്ഞെടുപ്പ് വിജയത്തിന്റെ ആഘോഷങ്ങളിൽ മുഴുകാതെ ആദ്യ ദിവസം മുതൽ അടുത്ത വെല്ലുവിളികളെ നേരിടാനാണ് വിജയ് ശ്രമിച്ചത്.(Tamil Nadu CM Joseph Vijay 100 Days In Office Minister Aadhav Arjuna Explains Working Style)

ദിവസവും 18 മുതൽ 20 മണിക്കൂർ വരെയാണ് അദ്ദേഹം ജോലി ചെയ്യുന്നത്. അതിരാവിലെ 4 മണിക്ക് തന്നെ മന്ത്രിമാരെ ഫോണിൽ വിളിച്ച് ഓരോ വകുപ്പിലെയും വികസന പ്രവർത്തനങ്ങളെക്കുറിച്ചും പുരോഗതിയെക്കുറിച്ചും അദ്ദേഹം അന്വേഷിക്കാറുണ്ടെന്ന് ആധവ് അർജുന വ്യക്തമാക്കി. അധികാരം ലഭിച്ചതിന്റെ യാതൊരുവിധ അഹങ്കാരവുമില്ലാതെ ജനങ്ങൾക്ക് വേണ്ടി പ്രവർത്തിക്കുക എന്നതാണ് സർക്കാരിന്റെ ലക്ഷ്യം.

ഭരണസംവിധാനത്തിലെ സാമ്പത്തിക ചോർച്ചകൾ തടയാനും സുതാര്യത ഉറപ്പാക്കാനും വിജയ് മുൻഗണന നൽകുന്നുണ്ട്. താഴെത്തട്ടിലുള്ള അഴിമതി അവസാനിപ്പിക്കാൻ കർശന നിർദ്ദേശങ്ങളാണ് അദ്ദേഹം ഉദ്യോഗസ്ഥർക്ക് നൽകിയിട്ടുള്ളതെന്നും മന്ത്രി കൂട്ടിച്ചേർത്തു.

Story Summary

Actor-turned-politician Joseph Vijay has completed 100 days as Tamil Nadu Chief Minister. His close confidante and Minister, Aadhav Arjuna, revealed at the India Today Tamil Nadu Conclave that Vijay functions like a “political monk,” working 18 to 20 hours daily. According to Arjuna, Vijay starts his day at 4 am by contacting ministers for department updates, prioritizing systemic transparency and eliminating corruption over celebrating his political victory.