നിർമ്മാണ സാമഗ്രികളുടെ കയറ്റുമതി നിയന്ത്രണം; കേരളത്തെ ഒഴിവാക്കുന്നത് പരിഗണിക്കുമെന്ന് തമിഴ്നാട്

തിരുവനന്തപുരം: നിർമ്മാണ സാമഗ്രികൾ മറ്റു സംസ്ഥാനങ്ങളിലേക്ക് കയറ്റി അയയ്ക്കുന്നതിന് തമിഴ്‌നാട് സർക്കാർ ഏർപ്പെടുത്തിയിട്ടുള്ള നിയന്ത്രണങ്ങളിൽ നിന്ന് കേരളത്തെ ഒഴിവാക്കുന്നത് പരിഗണിക്കുമെന്ന് തമിഴ്നാട് മുഖ്യമന്ത്രി അറിയിച്ചതായി പ്രതിപക്ഷ നേതാവ് വി.ഡി. സതീശൻ വ്യക്തമാക്കി. മഹാബലിപുരത്ത് നടന്ന സതേൺ സോണൽ കൗൺസിൽ യോഗത്തിനിടയിലാണ് തമിഴ്നാട് മുഖ്യമന്ത്രിയുമായി അദ്ദേഹം ഈ വിഷയം ചർച്ച ചെയ്തത്.

കേരളത്തിന്റെ പ്രത്യേക സാഹചര്യങ്ങൾ കണക്കിലെടുത്ത് മെറ്റൽ ഉൾപ്പെടെയുള്ള നിർമ്മാണ സാമഗ്രികളുടെ കയറ്റി അയക്കൽ നിയന്ത്രണം പുനഃപരിശോധിക്കണമെന്നാണ് കേരളം ആവശ്യപ്പെട്ടത്. നേരത്തെ ഈ വിഷയം ഉന്നയിച്ച് മുഖ്യമന്ത്രി തമിഴ്നാട് സർക്കാരിന് കത്തയച്ചിരുന്നു.

Also Read:‘ജെൻ സി’ തലമുറയെ ആകർഷിക്കാൻ അടിമുടി മാറ്റം വേണം; വസ്ത്രധാരണത്തിലും ശൈലിയിലും മാറ്റം ആവശ്യപ്പെട്ട് ഡിവൈഎഫ്‌ഐ പ്രതിനിധികൾ!

ഇതുസംബന്ധിച്ച് ഇരു സംസ്ഥാനങ്ങളും തമ്മിൽ കൂടുതൽ ചർച്ചകൾ നടത്തി ഉടൻതന്നെ ഉചിതമായ തീരുമാനമെടുക്കുമെന്നാണ് പ്രതീക്ഷിക്കുന്നത്. ഈ തീരുമാനം കേരളത്തിലെ നിർമ്മാണ മേഖലയ്ക്ക് വലിയ ആശ്വാസമാകും.

The post നിർമ്മാണ സാമഗ്രികളുടെ കയറ്റുമതി നിയന്ത്രണം; കേരളത്തെ ഒഴിവാക്കുന്നത് പരിഗണിക്കുമെന്ന് തമിഴ്നാട് appeared first on Express Kerala.