സംസ്ഥാനത്ത് റെക്കോർഡ് മദ്യവില്പന; ഓണം സീസണിലെ ആദ്യ മൂന്ന് ദിവസങ്ങളിൽ വിറ്റത് 279.12 കോടി രൂപയുടെ മദ്യം

തിരുവനന്തപുരം: സംസ്ഥാനത്ത് ഇത്തവണ റെക്കോർഡ് മദ്യവില്പന. ഓണം സീസണിലെ ആദ്യ മൂന്ന് ദിവസങ്ങളിൽ മാത്രം 279.12 കോടി രൂപയുടെ മദ്യമാണ് വിറ്റഴിച്ചത്. കഴിഞ്ഞ വർഷത്തേക്കാൾ 28.16 കോടി രൂപയുടെ അധിക വില്പനയാണ് ഇത്തവണ രേഖപ്പെടുത്തിയിരിക്കുന്നത്. കഴിഞ്ഞ വർഷത്തെ ഓണക്കാലത്ത് ആദ്യ മൂന്ന് ദിവസത്തെ മദ്യവില്പന 250.96 കോടി രൂപയായിരുന്നു.

കഴിഞ്ഞ ദിവസങ്ങളിൽ മാത്രം വൻ തോതിലുള്ള വില്പനയാണ് നടന്നിട്ടുള്ളത്. കണക്കുകൾ പ്രകാരം, ശനിയാഴ്ച 102.28 കോടി രൂപയുടെ മദ്യം വിറ്റപ്പോൾ, ഇന്നലെ മാത്രം 88.98 കോടി രൂപയുടെ മദ്യവില്പന നടന്നു. വരും ദിവസങ്ങളിലും വില്പന ഇനിയും ഉയരാനാണ് സാധ്യതയെന്നാണ് വിലയിരുത്തൽ.

Also Read:രണ്ട് കോടിയിൽ നിന്ന് 24,162 കോടി ഇടപാടുകളിലേക്ക്; ഇന്ത്യയുടെ ഡിജിറ്റൽ നട്ടെല്ലായ യു.പി.ഐയുടെ വിസ്മയകരമായ വളർച്ച

ഈ ഓണം സീസൺ ആരംഭിച്ചതിനു ശേഷം ഇതുവരെ ആകെ 512.11 കോടി രൂപയുടെ മദ്യമാണ് ബെവ്കോ ഔറ്റ്‌ലെറ്റുകൾ വഴി വിറ്റത്. കഴിഞ്ഞ വർഷം ഇതേ കാലയളവിൽ ഇത് 460.80 കോടി രൂപയായിരുന്നു.

The post സംസ്ഥാനത്ത് റെക്കോർഡ് മദ്യവില്പന; ഓണം സീസണിലെ ആദ്യ മൂന്ന് ദിവസങ്ങളിൽ വിറ്റത് 279.12 കോടി രൂപയുടെ മദ്യം appeared first on Express Kerala.