അയ്യപ്പനെ അധിക്ഷേപിച്ചെന്ന് ആരോപണം; സണ്ണി എം. കപിക്കാടിനെതിരെ പൊലീസിൽ പരാതി

പത്തനംതിട്ട: അയ്യപ്പനെ അധിക്ഷേപിച്ചെന്ന് ആരോപിച്ച് സാമൂഹിക പ്രവർത്തകൻ സണ്ണി എം. കപിക്കാടിനെതിരെ പൊലീസിൽ പരാതി (Sunny M Kapikad). തിരുവാഭരണ പാത സംരക്ഷണ സമിതിയാണ് പത്തനംതിട്ട ജില്ലാ പൊലീസ് മേധാവിക്ക് പരാതി നൽകിയത്.

മലയാളം സർവകലാശാലയിൽ നടന്ന പ്രതിഷേധത്തിനിടെ സണ്ണി എം. കപിക്കാട് നടത്തിയതായി പറയുന്ന പരാമർശങ്ങളാണ് പരാതിക്ക് ആധാരം. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.

അതേസമയം, വിവാദ പരാമർശത്തിൽ സണ്ണി എം. കപിക്കാട് മാപ്പ് പറയണമെന്ന് പന്തളം കൊട്ടാരം ആവശ്യപ്പെട്ടു. വിഷയത്തിൽ തിരുവിതാംകൂർ ദേവസ്വം ബോർഡ് അടിയന്തരമായി ഇടപെടണമെന്നും കൊട്ടാരം ആവശ്യപ്പെട്ടു.

സർക്കാർ വിഷയത്തിൽ ഇടപെട്ട് നിയമനടപടി സ്വീകരിക്കണമെന്നും പന്തളം കൊട്ടാരം ആവശ്യപ്പെട്ടിട്ടുണ്ട്. സംഭവവുമായി ബന്ധപ്പെട്ട് കൂടുതൽ നടപടികൾ പൊലീസ് അന്വേഷണത്തിന് പിന്നാലെയുണ്ടാകുമെന്നാണ് സൂചന.

Story Summary:
A complaint has been filed against social activist Sunny M. Kapikad, alleging that his remarks during a protest at Malayalam University insulted Lord Ayyappa. The Thiruvabharana Patha Samrakshana Samithi approached the Pathanamthitta District Police Chief, while the Pandalam Palace has demanded an apology and action.