വിസ തട്ടിപ്പു റിപ്പോർട്ട് ചെയ്യാൻ ജനങ്ങൾക്കു വേണ്ടി പോർട്ടൽ ആരംഭിച്ചു

വിസ തട്ടിപ്പു സംശയിക്കുമ്പോൾ ഓൺലൈൻ റിപ്പോർട്ട് ചെയ്യാൻ യുഎസ് സ്റ്റേറ്റ് ഡിപ്പാർട്മെന്റ് പോർട്ടൽ തുറന്നു. വ്യക്‌തികളോ സ്ഥാപനങ്ങളോ സംഘടനകളോ നടത്തുന്ന ഏതു തട്ടിപ്പും റിപ്പോർട്ട് ചെയ്യാം.

ടൂറിസ്റ്റ്, ബിസിനസ് വിസകൾ, കുടിയേറ്റ-കുടുംബ വിസകൾ വിദ്യാർഥി വിസകൾ എന്നിവ സംബന്ധിച്ച തട്ടിപ്പുകൾ ഈ പോർട്ടലിൽ റിപ്പോർട്ട് ചെയ്യാമെന്നു ഡിപ്പാർട്മെന്റ് വക്താവ് ടോമി പിഗോട്ട് അറിയിച്ചു.

യുഎസ് വിസ ഒരു പ്രത്യേകാവകാശം ആണെന്നു ചൂണ്ടിക്കാട്ടി, അത് ലംഘിക്കപ്പെടുന്നതു കണ്ടാൽ റിപ്പോർട്ട് ചെയ്യണമെന്നും അദ്ദേഹം പൊതുജനങ്ങളോട് അഭ്യർഥിച്ചു.

പേരു വയ്ക്കാതെ പരാതി നൽകാം. കൂടുതൽ വിവരങ്ങൾ ആവശ്യമായാൽ അന്വേഷകർ ബന്ധപ്പെട്ടെന്നു വരും.