Skip to content
November 20, 2026
⌕

അമിത് ഷായ്‌ക്കെതിരായ പ്രതിഷേധത്തിന് തിരിച്ചടി: പ്രിയങ്ക ഗാന്ധിക്കും രമേശ് ചെന്നിത്തലയ്ക്കും നേരെ കരിങ്കൊടി കാട്ടി യുവമോർച്ച | Yuva Morcha

September 27, 2026
Share this post to
Yuva Morcha

കോഴിക്കോട്: കേന്ദ്ര ആഭ്യന്തര മന്ത്രി അമിത് ഷായ്ക്ക് നേരെ യൂത്ത് കോൺഗ്രസ് നടത്തിയ കരിങ്കൊടി പ്രതിഷേധത്തിന് മറുപടിയായി വയനാട് എം.പി പ്രിയങ്ക ഗാന്ധിക്കും ആഭ്യന്തര മന്ത്രി രമേശ് ചെന്നിത്തലയ്ക്കും നേരെ യുവമോർച്ചയുടെ പ്രതിഷേധം. കോഴിക്കോട് തിരുവമ്പാടി തമ്പലമണ്ണയ്ക്ക് സമീപം വെച്ചാണ് പ്രിയങ്ക ഗാന്ധിക്ക് നേരെ യുവമോർച്ച പ്രവർത്തകർ കരിങ്കൊടി കാണിച്ചത്.(Yuva Morcha Black Flag Protest Against Priyanka Gandhi And Ramesh Chennithala In Kozhikode)

കുറ്റ്യാടി ജാനകിക്കാട്ടിൽ വെച്ചാണ് രമേശ് ചെന്നിത്തലയ്ക്കെതിരെ യുവമോർച്ച പ്രവർത്തകർ പ്രതിഷേധവുമായി രംഗത്തെത്തിയത്. തുടർന്ന് സ്ഥലത്തുണ്ടായിരുന്ന പോലീസ് ഇവരെ അറസ്റ്റ് ചെയ്തു നീക്കി. നേരത്തെ, എസ്.ഐ.ആർ വിഷയവുമായി ബന്ധപ്പെട്ട് അമിത് ഷായ്ക്കെതിരെ യൂത്ത് കോൺഗ്രസ് പ്രവർത്തകർ പ്രതിഷേധിച്ചിരുന്നു.

കേന്ദ്ര ആഭ്യന്തര മന്ത്രിയുടെ വാഹനവ്യൂഹത്തിന് മുന്നിലേക്ക് എത്തിയായിരുന്നു പ്രതിഷേധം. ഇതിൽ ഗുരുതരമായ സുരക്ഷാവീഴ്ച ഉണ്ടായെന്ന് ആരോപണമുയരുകയും, പിന്നാലെ പ്രതിഷേധക്കാരെ കൈയേറ്റം ചെയ്യാൻ ബി.ജെ.പി പ്രവർത്തകർ ശ്രമിക്കുകയും ചെയ്തിരുന്നു.

Story Summary

Yuva Morcha workers showed black flags to MP Priyanka Gandhi in Thiruvambady and Ramesh Chennithala in Kuttiyadi as a retaliatory action after Youth Congress protested against Union Home Minister Amit Shah over the SIR issue. Police promptly intervened and arrested the Yuva Morcha protesters.

Get more updates from Pudukad News on Google