Skip to content
November 19, 2026
⌕

നവജാതശിശുക്കൾക്ക് 22 കാരറ്റിന്റെ ഒരു ഗ്രാം സ്വർണ്ണമോതിരം സൗജന്യമായി നൽകുന്ന ‘തായ്മാമൻ തങ്ക മോതിരം പദ്ധതി’ തമിഴ്നാട്ടിൽ തുടക്കമിട്ട് മുഖ്യമന്ത്രി സി. ജോസഫ് വിജയ്: മധുര രാജാജി സർക്കാർ ആശുപത്രിയിൽ വെച്ച് കുഞ്ഞുങ്ങൾക്ക് നേരിട്ട് മോതിരമണിയിച്ച് നൽകി തമിഴക വെട്രി കഴകം സർക്കാരിന്റെ പ്രധാന തിരഞ്ഞെടുപ്പ് വാഗ്ദാനം യാഥാർത്ഥ്യമാക്കി

September 28, 2026
Share this post to

മധുര: നവജാതശിശുക്കള്‍ക്കായി 22 കാരറ്റിന്റെ ഒരു ഗ്രാം സ്വര്‍ണ്ണമോതിരം സമ്മാനിക്കുന്ന ‘തായ്മാമന്‍ തങ്ക മോതിരം പദ്ധതി’ തമിഴ്‌നാട് മുഖ്യമന്ത്രി സി. ജോസഫ് വിജയ് ഔദ്യോഗികമായി ഉദ്ഘാടനം ചെയ്തു. 


തിരഞ്ഞെടുപ്പ് വാഗ്ദാനങ്ങളിലൊന്നായ ഈ ക്ഷേമപദ്ധതി മധുരയിലെ ഗവണ്‍മെന്റ് രാജാജി ആശുപത്രിയില്‍ നടന്ന ചടങ്ങിലാണ് മുഖ്യമന്ത്രി ഉദ്ഘാടനം ചെയ്തത്. ചടങ്ങില്‍ പങ്കെടുത്ത നവജാതശിശുക്കളെ കൈയിലെടുത്ത വിജയ് കുഞ്ഞുങ്ങള്‍ക്ക് സ്വര്‍ണ്ണമോതിരങ്ങള്‍ നേരിട്ട് അണിയിച്ചു നല്‍കി. 


പ്രതിവര്‍ഷം 755.83 കോടി രൂപയാണ് പദ്ധതിക്കായി തമിഴ്‌നാട് സര്‍ക്കാര്‍ വകയിരുത്തിയിരിക്കുന്നത്. മാതൃത്വം ആദരിക്കാനും സ്ത്രീകളുടെ ആരോഗ്യം ഉറപ്പാക്കാനും കൂടുതല്‍ ആളുകളെ സര്‍ക്കാര്‍ ആശുപത്രികളിലേക്ക് ആകര്‍ഷിച്ച് സുരക്ഷിതമായ പ്രസവങ്ങള്‍ പ്രോത്സാഹിപ്പിക്കാനും ലക്ഷ്യമിട്ടാണ് പദ്ധതി നടപ്പിലാക്കുന്നത്.

പദ്ധതിയുടെ പ്രാഥമിക ഘട്ടത്തിനായി സര്‍ക്കാര്‍ ആശുപത്രികളില്‍ ജനിക്കുന്ന കുട്ടികള്‍ക്കായി 1.28 ലക്ഷം സ്വര്‍ണ്ണമോതിരങ്ങള്‍ സംസ്ഥാന സര്‍ക്കാര്‍ ഇതിനോടകം സംഭരിച്ചിട്ടുണ്ട്. 


2026 ജൂണ്‍ 22-നോ അതിനുശേഷമോ ജനിച്ച യോഗ്യരായ നവജാതശിശുക്കള്‍ക്കാണ് ഈ പദ്ധതിയുടെ ആനുകൂല്യം ലഭിക്കുക.


മുഖ്യമന്ത്രിയുടെ സന്ദര്‍ശനവും വിവിധ പരിപാടികളും കണക്കിലെടുത്ത് മധുര വിമാനത്താവളം മുതല്‍ നഗരത്തിലുടനീളം അഞ്ചുതലത്തിലുള്ള സുരക്ഷാ സന്നാഹങ്ങളാണ് പോലീസ് ഏര്‍പ്പെടുത്തിയിരുന്നത്.

 

Get more updates from Pudukad News on Google