വാഷിങ്ടൻ ബെല്ലിങ്ഹാമിൽ കുട്ടിയെ കരടി പിടികൂടി: കണ്ണിൽ കുത്തി 12 വയസ്സുകാരൻ, അടിച്ച് തുരത്തി പിതാവ്

വാഷിങ്ടൻ: വാഷിങ്ടൻ ബെല്ലിങ്ഹാമിൽ വീടിന് പിന്നിലെ തോട്ടത്തിൽ വച്ച് പന്ത്രണ്ടുകാരനായ റോബിൻ വെസ്റ്റ്‌ഗേറ്റും പിതാവ് നോഹ വെസ്റ്റ്‌ഗേറ്റും കരടിയുടെ ആക്രമണത്തെ ധീരമായി ചെറുത്തുതോൽപ്പിച്ചു. പോപ്‌കോണിനായി പാത്രം എടുക്കാൻ തോട്ടത്തിലേക്ക് പോയ റോബിനെ കറുത്ത കരടി ആക്രമിക്കുകയായിരുന്നു. ധീരമായി ചെറുത്തുനിന്ന കുട്ടി കരടിയുടെ കണ്ണിൽ കുത്തുകയും, ബഹളം കേട്ടെത്തിയ പിതാവ് നോഹ കരടിയെ അടിച്ച് തുരത്തുകയും ചെയ്തു.

ആയോധനകലയയിലെ പരിശീലനം പരിഭ്രാന്തി കൂടാതെ കരടിയെ നേരിടാൻ സഹായിച്ചതായി പിതാവും മകനും പറയുന്നു.ഇരുവർക്കും നിസ്സാര പരുക്കുകളേറ്റെങ്കിലും വലിയ അപകടങ്ങൾ ഒന്നുമില്ലാതെ രക്ഷപ്പെട്ടു.