‘ദി വെസ്റ്റ് വിംഗ്’ എന്ന വിഖ്യാത പരമ്പരയിലൂടെ കോടിക്കണക്കിന് ആരാധകരെ നേടിയ ഹോളിവുഡ് നടനും സംവിധായകനുമായ തിമോത്തി ബസ്ഫീൽഡ് ആണ് ഇപ്പോൾ വാർത്തകളിൽ നിറയുന്നത്, അഭിനയിക്കാൻ എത്തിയ 11 വയസ്സുള്ള രണ്ട് ഇരട്ടക്കുട്ടികളെ ക്രൂരമായി ലൈംഗികമായി പീഡിപ്പിച്ചു എന്ന ഞെട്ടിക്കുന്ന വിവരമാണ് പുറത്തുവരുന്നത്. ‘അങ്കിൾ ടിം’ എന്ന് വിളിപ്പിച്ച് കുട്ടികളുമായി അടുത്ത ശേഷം നടത്തിയ ഈ ചതി പുറംലോകം അറിഞ്ഞത് സിനിമയെ വെല്ലുന്ന അന്വേഷണത്തിനൊടുവിലാണ്.
2022-ൽ ‘ദി ക്ലീനിംഗ് ലേഡി’ എന്ന പരമ്പരയുടെ ചിത്രീകരണ വേളയിലാണ് 68 കാരനായ ബസ്ഫീൽഡ് കുട്ടികളെ പീഡിപ്പിച്ചത്. കുട്ടികൾക്ക് 7 വയസ്സുള്ളപ്പോൾ മുതൽ തുടങ്ങിയ പീഡനം 2025 വരെ നീണ്ടുനിന്നതായി ആരോപിക്കപ്പെടുന്നു. വസ്ത്രത്തിന് മുകളിലൂടെ തന്റെ ‘മൂത്രമൊഴിക്കുന്ന ഭാഗത്ത്’ അങ്കിൾ ടിം സ്പർശിച്ചുവെന്ന് ഒരു കുട്ടി അന്വേഷണ ഉദ്യോഗസ്ഥരോട് വെളിപ്പെടുത്തി.
Also Read: ലോകത്തിലെ സമ്പന്ന രാജ്യം, കൊട്ടാരം, പൊന്ന്… എന്തൊക്കെ ഉണ്ടായിട്ടെന്താ! ഈ മുസ്ലിം രാജ്യത്ത് നദിയില്ല
അമ്മയുടെ ചോദ്യങ്ങൾക്ക് മുന്നിൽ “ടിം അങ്കിളിനെപ്പോലെയാണോ നിങ്ങൾ ഉദ്ദേശിക്കുന്നത്?” എന്ന് കുട്ടികൾ മറുചോദ്യം ചോദിച്ചപ്പോഴാണ് മാതാപിതാക്കൾ ആ നടുക്കുന്ന സത്യം തിരിച്ചറിഞ്ഞത്.
ന്യൂ മെക്സിക്കോയിലെ അൽബുക്കർക് പോലീസ് ഡിപ്പാർട്ട്മെന്റ് ഇപ്പോൾ നടനെതിരെ അറസ്റ്റ് വാറണ്ട് പുറപ്പെടുവിച്ചിരിക്കുകയാണ്.
Also Read: ഇറാൻ, അഫ്ഗാനിസ്ഥാൻ, എത്യോപ്യ, നേപ്പാൾ, പിന്നെ ഉത്തര കൊറിയയും! ഇനിയില്ലേ? ഇനിയുമുണ്ട് രഹസ്യങ്ങൾ
പ്രായപൂർത്തിയാകാത്തവരുമായുള്ള ലൈംഗിക സമ്പർക്കം, കുട്ടികളെ ദുരുപയോഗം ചെയ്യൽ തുടങ്ങിയ കടുത്ത വകുപ്പുകളാണ് ഇയാൾക്കെതിരെ ചുമത്തിയിരിക്കുന്നത്. എന്നാൽ, പോലീസിന്റെ ചോദ്യം ചെയ്യലിൽ “അവരെ ഇക്കിളിപ്പെടുത്തിയിട്ടുണ്ടാകാം, എന്നാൽ ലൈംഗികമായി ഒന്നും ചെയ്തിട്ടില്ല” എന്ന വിചിത്രമായ വാദമാണ് ബസ്ഫീൽഡ് ഉയർത്തുന്നത്. ഹോളിവുഡിന്റെ തിളക്കമുള്ള ലോകത്ത് ഇനിയും എത്ര ‘അങ്കിൾ ടിം’മാരുണ്ടാകാം എന്ന ചോദ്യമാണ് ഇപ്പോൾ ഉയരുന്നത്.
The post ‘അങ്കിൾ ടിം’ അത് ചെയ്തെന്ന് ഇരട്ടക്കുട്ടികൾ! ഇക്കിളിപ്പെടുത്തിയതാണെന്ന് തിമോത്തി ബസ്ഫീൽഡ്, ഞെട്ടിക്കുന്ന ആരോപണങ്ങൾ, അറസ്റ്റ് appeared first on Express Kerala.
