ടോം ഹോളണ്ട് നായകനായ സ്‌പൈഡര്‍മാന്‍: ബ്രാന്‍ഡ് ന്യൂ ഡേ വീണ്ടും തിയേറ്ററുകളിലേക്ക്; ഒഴിവാക്കിയ രംഗങ്ങളും പുതിയ പതിപ്പില്‍
Current: മലയാളം
ടോം ഹോളണ്ട് നായകനായ സ്‌പൈഡര്‍മാന്‍: ബ്രാന്‍ഡ് ന്യൂ ഡേ തിയേറ്ററുകളില്‍ വീണ്ടും റിലീസിന് ഒരുങ്ങുന്നു. ആഗോളതലത്തില്‍ 2.49 ബില്യണ്‍ ഡോളറിലധികം കളക്ഷന്‍ നേടി വമ്പന്‍ വിജയമായ ഈ ചിത്രം അധിക ദൃശ്യങ്ങള്‍ ഉള്‍പ്പെടുത്തിയാണ് വീണ്ടും പ്രേക്ഷകരിലേക്ക് എത്തുന്നത്.
സര്‍വകാല റെക്കോര്‍ഡുകളില്‍ ലോകത്ത് ഏറ്റവും കൂടുതല്‍ കളക്ഷന്‍ നേടിയ മൂന്നാമത്തെ ചിത്രമാണിത്. അവതാര്‍, അവഞ്ചേഴ്‌സ്: എന്‍ഡ്‌ഗെയിം എന്നീ സിനിമകള്‍ക്ക് തൊട്ടുപിന്നിലാണ് ചിത്രം നിലവില്‍ ഉള്ളത്.
ഇതിനകം തന്നെ ടൈറ്റാനിക് ഉള്‍പ്പെടെയുള്ള പ്രമുഖ ചിത്രങ്ങളുടെ കളക്ഷന്‍ റെക്കോര്‍ഡുകള്‍ ഈ സിനിമ മറികടന്നുകഴിഞ്ഞു.
ടോം ഹോളണ്ടിനൊപ്പം സെന്‍ഡയ, സാഡി സിങ്ക്, ജേക്കബ് ബാറ്റലോണ്‍, ഫ്‌ലോറന്‍സ് പ്യൂ, മാര്‍ക്ക് റഫലോ എന്നിവരും ചിത്രത്തില്‍ പ്രധാന വേഷങ്ങളില്‍ എത്തുന്നു. എന്നാല്‍ റീ-റിലീസ് തിയതിയോ കൂട്ടിച്ചേര്‍ക്കുന്ന പുതിയ ദൃശ്യങ്ങളെക്കുറിച്ചുള്ള വിശദാംശങ്ങളോ ഔദ്യോഗികമായി ഇതുവരെ പുറത്തുവിട്ടിട്ടില്ല.
