നെയ്യാർ ഡാമിൽ കാട്ടുപോത്തിനെ വേട്ടയാടി കൊന്ന് ഇറച്ചി കടത്തിയെന്ന് കേസ്; രണ്ടുപേർ അറസ്റ്റിൽ | Neyyar Dam

തിരുവനന്തപുരം: നെയ്യാർ ഡാം മേഖലയിൽ കാട്ടുപോത്തിനെ വെടിവെച്ച് കൊന്ന് ഇറച്ചി കടത്തിയ സംഭവത്തിൽ രണ്ടുപേരെ വനംവകുപ്പ് അറസ്റ്റ് ചെയ്തു (Neyyar Dam). പൂവച്ചൽ സ്വദേശികളായ സുകുമാരൻകുട്ടി നായരും ചന്ദ്രദാസുമാണ് അറസ്റ്റിലായത്.

വനംവകുപ്പ് പരുത്തിപ്പള്ളി റേഞ്ചിലെ ഉദ്യോഗസ്ഥരാണ് പ്രതികളെ പിടികൂടിയത്. സംഭവവുമായി ബന്ധപ്പെട്ട് നടത്തിയ പരിശോധനയിൽ ചന്ദ്രദാസിന്റെ വീട്ടിൽനിന്ന് വേവിച്ച നിലയിലുള്ള കാട്ടുപോത്തിറച്ചിയും കണ്ടെത്തി. ഇറച്ചി വനംവകുപ്പ് കസ്റ്റഡിയിലെടുത്തു.

കാട്ടുപോത്തിനെ വേട്ടയാടി കൊന്നതുമായി ബന്ധപ്പെട്ട് കൂടുതൽ അന്വേഷണം നടക്കുകയാണെന്ന് വനംവകുപ്പ് അറിയിച്ചു. സംഭവത്തിൽ മറ്റാർക്കെങ്കിലും പങ്കുണ്ടോയെന്നും ഇറച്ചി കടത്തിയതിന്റെ വിശദാംശങ്ങളും പരിശോധിക്കുന്നുണ്ട്.

Story Summary:
Two people have been arrested in connection with the alleged killing of a wild gaur and transportation of its meat in the Neyyar Dam area of Thiruvananthapuram. Forest officials also seized cooked wild gaur meat from one of the accused’s houses.