വിഴിഞ്ഞത്ത് പുതിയ ഫിഷിങ് ഹാർബർ; 235 മീറ്റർ പുലിമുട്ടും 500 മീറ്റർ ഫിഷറി ബെർത്തും; പദ്ധതി അദാനി വിഴിഞ്ഞം പോർട്ട് നടപ്പാക്കും | Vizhinjam fishing harbour

തിരുവനന്തപുരം: വിഴിഞ്ഞത്ത് പുതിയ ഫിഷിങ് ഹാർബർ നിർമ്മിക്കുന്നതിന് സംസ്ഥാന സർക്കാർ ഭരണാനുമതി നൽകി (Vizhinjam fishing harbour). പദ്ധതിയുടെ ഭാഗമായി 235 മീറ്റർ നീളത്തിലുള്ള പുതിയ പുലിമുട്ട് നിർമ്മിക്കും.

പദ്ധതിയുടെ നിർമ്മാണ ചുമതല അദാനി വിഴിഞ്ഞം പോർട്ട് പ്രൈവറ്റ് ലിമിറ്റഡിനാണ് നൽകിയിരിക്കുന്നത്. പുതിയ ഹാർബർ യാഥാർഥ്യമാകുന്നതോടെ പ്രദേശത്തെ മത്സ്യബന്ധന ബോട്ടുകൾക്കും വള്ളങ്ങൾക്കും കൂടുതൽ സുരക്ഷിതമായി അടുപ്പിക്കാനും കൈകാര്യം ചെയ്യാനും സൗകര്യമൊരുങ്ങും.

പ്രദേശത്തെ മത്സ്യത്തൊഴിലാളികൾ ഏറെക്കാലമായി മുന്നോട്ടുവെച്ചിരുന്ന പ്രധാന ആവശ്യങ്ങളിലൊന്നാണ് പദ്ധതിയിലൂടെ യാഥാർഥ്യമാകുന്നത്. പദ്ധതിയുടെ ഭാഗമായി 500 മീറ്റർ നീളത്തിൽ ‘L’ ആകൃതിയിലുള്ള ഫിഷറി ബെർത്തും നിർമ്മിക്കും.

പുതിയ ഫിഷിങ് ഹാർബർ പൂർത്തിയാകുന്നതോടെ മത്സ്യബന്ധന ബോട്ടുകൾക്കും വള്ളങ്ങൾക്കും സുരക്ഷിതമായി ഹാർബറിൽ പ്രവേശിക്കാനും അടുപ്പിക്കാനും കഴിയും. കടൽക്ഷോഭം ഉൾപ്പെടെയുള്ള പ്രതികൂല കാലാവസ്ഥാ സാഹചര്യങ്ങളിൽ മത്സ്യബന്ധന യാനങ്ങൾക്ക് കൂടുതൽ സംരക്ഷണം ഉറപ്പാക്കാനും പദ്ധതിയിലൂടെ സാധിക്കുമെന്നാണ് പ്രതീക്ഷ.

Story Summary:
The Kerala government has granted administrative approval for a new fishing harbour at Vizhinjam. The project includes a 235-metre breakwater and a 500-metre L-shaped fishery berth to improve safety and facilities for fishing boats and traditional fishing vessels.