മിവിയുടെ ആദ്യ സ്മാർട്ട്‌ഫോൺ വൺ 5ജി വിപണിയിൽ; വില 11,999 രൂപ മുതൽ | Mivi One 5G
Current: മലയാളം
കൊച്ചി: തദ്ദേശീയ ബ്രാൻഡായ മിവി തങ്ങളുടെ ആദ്യ സ്മാർട്ട്‌ഫോണായ മിവി വൺ 5ജി (Mivi One 5G) ഇന്ത്യയിൽ അവതരിപ്പിച്ചു. ഫ്ലിപ്കാർട്ടിന്റെ ബിഗ് ബില്യൺ ഡേയ്സ് വിൽപ്പനയുടെ ഭാഗമായാണ് ഫോൺ പുറത്തിറക്കിയത്. ബാങ്ക് ഓഫറുകൾ ഉൾപ്പെടെ 11,999 രൂപ മുതലാണ് പ്രത്യേക ഉത്സവകാല വില. 128 ജിബി സ്റ്റോറേജിൽ ലഭിക്കുന്ന ഫോണിന് 4 ജിബി, 6 ജിബി, 8 ജിബി റാം വേരിയന്റുകളുണ്ട്.
മിവി വൺ 5ജി: വിലയും വേരിയന്റുകളും
4 ജിബി റാം + 128 ജിബി സ്റ്റോറേജ്: ₹11,999
6 ജിബി റാം + 128 ജിബി സ്റ്റോറേജ്: ₹13,499
8 ജിബി റാം + 128 ജിബി സ്റ്റോറേജ്: ₹14,999
പ്രധാന സവിശേഷതകൾ
ക്വാൽകോം സ്‌നാപ്ഡ്രാഗൺ 4 ജെൻ 2 പ്രോസസറിലാണ് മിവി വൺ 5ജി പ്രവർത്തിക്കുന്നത്. 6.75 ഇഞ്ച് എച്ച്ഡി പ്ലസ് ഡിസ്‌പ്ലേയും 120 ഹെർട്‌സ് റിഫ്രഷ് റേറ്റും ഫോണിലുണ്ട്. സ്റ്റോക്ക് ആൻഡ്രോയിഡ് 16 ഓപ്പറേറ്റിങ് സിസ്റ്റമാണ് മറ്റൊരു പ്രധാന സവിശേഷത.
ഫോട്ടോഗ്രഫിക്കായി 50 മെഗാപിക്‌സൽ പ്രധാന ക്യാമറയും സെൽഫികൾക്കായി 8 മെഗാപിക്‌സൽ മുൻ ക്യാമറയുമുണ്ട്. 18 വാട്ട് ചാർജിങ് പിന്തുണയുള്ള 6,000 എംഎഎച്ച് ബാറ്ററിയാണ് ഫോണിൽ ഉൾപ്പെടുത്തിയിരിക്കുന്നത്.
ഐപി64 റേറ്റിങ്ങിലുള്ള പൊടി, വെള്ളം എന്നിവയ്ക്കെതിരായ സംരക്ഷണം, സൈഡ് ഫിംഗർപ്രിന്റ് സെൻസർ, ക്ലിയർടോക്ക് സാങ്കേതികവിദ്യ എന്നിവയും ഫോണിന്റെ സവിശേഷതകളാണ്.
നീല, പിങ്ക്, പച്ച, ബർഗണ്ടി, നേവി ബ്ലൂ എന്നിങ്ങനെ അഞ്ച് നിറങ്ങളിൽ മിവി വൺ 5ജി ലഭ്യമാകും. വിവിധ റാം വേരിയന്റുകളിലൂടെ വ്യത്യസ്ത ബജറ്റിലുള്ള ഉപഭോക്താക്കളെ ലക്ഷ്യമിട്ടാണ് കമ്പനി പുതിയ സ്മാർട്ട്‌ഫോൺ അവതരിപ്പിച്ചിരിക്കുന്നത്.
Story Summary : Indian brand Mivi has launched its first smartphone, the Mivi One 5G, through Flipkart’s Big Billion Days sale. Prices start at ₹11,999, including bank offers, with three RAM variants. Key features include a Snapdragon 4 Gen 2 processor, a 120Hz display, a 50MP main camera and a 6,000mAh battery.
