അബുദാബി: പുതുവർഷം രണ്ടാഴ്ച പിന്നിടുമ്പോൾ യുഎഇയിൽ തണുപ്പ് കഠിനമാകുന്നു. വരും ദിവസങ്ങളിൽ രാജ്യത്ത് താപനില ഗണ്യമായി കുറയുമെന്നും ശക്തമായ കാറ്റിനും കടൽക്ഷോഭത്തിനും സാധ്യതയുണ്ടെന്നും ദേശീയ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. ആകാശം കീഴടക്കി ഇത്തിഹാദ്! 2025-ൽ പറന്നത് കോടികൾ; റെക്കോർഡുകൾ തകർന്ന് വീഴുന്നു.
രാജ്യത്തിന്റെ പല ഭാഗങ്ങളിലും ഭാഗികമായി മേഘാവൃതമായ അന്തരീക്ഷമായിരിക്കും. ദുബായ്, അബുദാബി, ഷാർജ എന്നിവിടങ്ങളിൽ കുറഞ്ഞ താപനില 15 മുതൽ 18 ഡിഗ്രി സെൽഷ്യസ് വരെയായിരിക്കും. എന്നാൽ പർവ്വത മേഖലയായ ജബൽ ജെയ്സിൽ തണുപ്പ് 5 ഡിഗ്രി സെൽഷ്യസിലേക്ക് താഴാൻ സാധ്യതയുണ്ട്.
Also Read: ആകാശം കീഴടക്കി ഇത്തിഹാദ്! 2025-ൽ പറന്നത് കോടികൾ; റെക്കോർഡുകൾ തകർന്ന് വീഴുന്നു
രാത്രിയിലും പുലർച്ചെയും ഈർപ്പത്തിന്റെ അളവ് വർധിക്കുന്നത് മൂലം കാഴ്ചപരിധി കുറയാൻ സാധ്യതയുള്ളതിനാൽ വാഹനമോടിക്കുന്നവർ ശ്രദ്ധിക്കണം. വാരാന്ത്യത്തോടെ കാറ്റിന്റെ വേഗത മണിക്കൂറിൽ 55 കിലോമീറ്റർ വരെയാകാൻ സാധ്യതയുള്ളതിനാൽ കടൽ പ്രക്ഷുബ്ധമാകാനും പൊടിപടലങ്ങൾ ഉയരാനും സാധ്യതയുണ്ട്.
The post ഗൾഫിൽ ശൈത്യം കടുക്കുന്നു! കാഴ്ചപരിധി കുറയും, കനത്ത മൂടൽമഞ്ഞ്; ജാഗ്രതാ നിർദ്ദേശവുമായി എൻസിഎം appeared first on Express Kerala.
