കേരളമടക്കം 17 സംസ്ഥാനങ്ങളിൽ വാർഷിക വോട്ടർ പട്ടിക പരിഷ്കരണം; കരട് പട്ടിക നവംബർ 12ന് | Kerala voter list

ന്യൂഡൽഹി: കേരളമടക്കം 17 സംസ്ഥാനങ്ങളിലും കേന്ദ്രഭരണ പ്രദേശങ്ങളിലും വാർഷിക വോട്ടർ പട്ടിക പരിഷ്കരണത്തിന് ഉത്തരവിട്ട് തിരഞ്ഞെടുപ്പ് കമ്മീഷൻ (Kerala voter list).  പ്രത്യേക തീവ്ര വോട്ടർ പട്ടിക പരിഷ്കരണം (എസ്‌ഐആർ) പൂർത്തിയായ സംസ്ഥാനങ്ങളിലാണ് പുതിയ നടപടി. അടുത്ത വർഷം നിയമസഭാ തിരഞ്ഞെടുപ്പ് നടക്കാനിരിക്കുന്ന സംസ്ഥാനങ്ങളും പട്ടികയിൽ ഉൾപ്പെടുന്നു.

പരിഷ്കരണ നടപടികൾക്കായി പഴയ ഫോം 6 തന്നെയായിരിക്കും ഉപയോഗിക്കുക. നവംബർ 12ന് കരട് വോട്ടർ പട്ടിക പ്രസിദ്ധീകരിക്കും. പട്ടിക സംബന്ധിച്ച അഭിപ്രായങ്ങളും പരാതികളും അറിയിക്കാൻ ഡിസംബർ 11 വരെ സമയമുണ്ടാകും.

പരാതികളും നിർദേശങ്ങളും പരിഗണിച്ച ശേഷമുള്ള അന്തിമ വോട്ടർ പട്ടിക 2027 ജനുവരി നാലിന് പ്രസിദ്ധീകരിക്കാനാണ് തിരഞ്ഞെടുപ്പ് കമ്മീഷന്റെ തീരുമാനം.

വാർഷിക പരിഷ്കരണത്തിലൂടെ വോട്ടർ പട്ടികയിലെ വിവരങ്ങൾ പുതുക്കുന്നതിനും അർഹരായ വോട്ടർമാരെ ഉൾപ്പെടുത്തുന്നതിനുമുള്ള നടപടികളാണ് ലക്ഷ്യമിടുന്നത്.

Story Summary:
The Election Commission has ordered an annual electoral roll revision in 17 states and Union Territories, including Kerala, where the Special Intensive Revision (SIR) has been completed. The draft voter list is scheduled for publication on November 12, with December 11 as the deadline for submitting feedback. The final electoral roll is scheduled to be published on January 4, 2027.