വഖഫ് ബോർഡ് പുനഃസംഘടനയിൽ അതൃപ്തിയുമായി കേരള മുസ്ലിം ജമാഅത്ത്; സുന്നി പ്രാതിനിധ്യം ഒഴിവാക്കിയത് അനീതിയെന്ന് ആരോപണം | Kerala Muslim Jamaath Waqf Board protest

കോഴിക്കോട്: വഖഫ് ബോർഡ് പുനഃസംഘടനയിൽ അർഹരായവരെ തഴഞ്ഞുവെന്നാരോപിച്ച് കേരള മുസ്ലിം ജമാഅത്ത്. ഇ.കെ, എ.പി വിഭാഗം സമസ്തകൾക്ക് ബോർഡിൽ പ്രാതിനിധ്യം നൽകാത്തത് വഞ്ചനാപരമായ നിലപാടാണെന്ന് സംസ്ഥാന സെക്രട്ടറി മജീദ് കക്കാട് വിമർശിച്ചു. പുനഃസംഘടനയിൽ സുന്നി പ്രതിനിധികൾ ഇല്ലാത്തത് അനീതിയാണെന്നും അദ്ദേഹം പറഞ്ഞു. (Kerala Muslim Jamaath Waqf Board protest)

കേരളത്തിൽ ഏറ്റവും കൂടുതൽ വഖഫ് ചെയ്യുന്നവരും അവ സംരക്ഷിക്കുന്നവരും സുന്നികളാണെന്നാണ് മജീദ് കക്കാടിന്റെ വാദം. ബോർഡിൽ പ്രാതിനിധ്യം നൽകണമെന്ന് സർക്കാരിനോട് ആവശ്യപ്പെട്ടിരുന്നുവെന്നും അദ്ദേഹം വ്യക്തമാക്കി. സുന്നികൾ സമർപ്പിച്ച വഖഫ് സ്വത്തുക്കൾ സംരക്ഷിക്കാൻ സുന്നികളല്ലാത്തവർ ചുമതലയേൽക്കുന്നത് ആശങ്കയുണ്ടാക്കുന്നതായും അദ്ദേഹം പറഞ്ഞു. വഖഫ് ബോർഡിലെ അംഗങ്ങളുടെ നിയമനവുമായി ബന്ധപ്പെട്ട് മായിൻ ഹാജി സമസ്ത മുശാവറ അംഗമല്ലെന്നും മജീദ് കക്കാട് ചൂണ്ടിക്കാട്ടി. വിഷയത്തിൽ സംഘടനയുടെ ഉന്നത നേതൃത്വം കൂടിയാലോചന നടത്തി തുടർനടപടികൾ തീരുമാനിക്കുമെന്നും ആവശ്യമായാൽ പരസ്യമായി പ്രതികരിക്കുമെന്നും അദ്ദേഹം അറിയിച്ചു.

വഖഫ് ബോർഡിൽ അഹിന്ദുക്കളെ നിയമിക്കാത്തത് കുറവായി കാണുന്നില്ലെന്നും മുസ്ലിങ്ങളല്ലാത്തവർ ബോർഡിൽ വരുന്നത് ശരിയല്ലെന്നുമാണ് സംഘടനയുടെ നിലപാടെന്നും മജീദ് കക്കാട് പറഞ്ഞു. മുനമ്പം വഖഫ് ഭൂമി തർക്കം ഉൾപ്പെടെയുള്ള വിഷയങ്ങൾ നിലനിൽക്കുന്ന സാഹചര്യത്തിൽ ബോർഡിൽ സുന്നി പ്രാതിനിധ്യം ഇല്ലാത്തത് ആശങ്ക വർധിപ്പിക്കുന്നതായും അദ്ദേഹം കൂട്ടിച്ചേർത്തു.

Summary: The Kerala Muslim Jamaath has expressed dissatisfaction with the reconstitution of the Waqf Board, alleging that the E.K. and A.P. Samastha groups were denied representation. State secretary Majeed Kakkad described the absence of Sunni representatives as unjust and said the organisation’s leadership would discuss further action.