ഒറ്റയ്ക്ക് താമസിക്കുന്നവർ മരണപ്പെട്ടാൽ ലോകമറിയാൻ വൈകുമോ എന്ന ഭയത്തിന് പരിഹാരവുമായി എത്തിയ ഒരു മൊബൈൽ ആപ്പ് ചൈനയിൽ തരംഗമാകുന്നു. ‘Are You Dead?’ എന്ന് പേരിട്ടിരിക്കുന്ന ഈ ആപ്പ്, ഉപയോക്താവ് ജീവനോടെയുണ്ടോ എന്ന് കൃത്യമായ ഇടവേളകളിൽ പരിശോധിക്കുകയും അപകടമുണ്ടായാൽ വേണ്ടപ്പെട്ടവരെ അറിയിക്കുകയും ചെയ്യും.
ചെക്ക്-ഇൻ: ഓരോ രണ്ട് ദിവസം കൂടുമ്പോഴും ആപ്പിലെ ഒരു ബട്ടൺ അമർത്തി ഉപയോക്താവ് താൻ സുരക്ഷിതനാണെന്ന് (Check-in) അറിയിക്കണം.
അലർട്ട് സിസ്റ്റം: നിശ്ചിത സമയത്തിനുള്ളിൽ ചെക്ക്-ഇൻ ചെയ്തില്ലെങ്കിൽ, ആപ്പ് ഉടൻ തന്നെ മുൻകൂട്ടി നൽകിയിട്ടുള്ള എമർജൻസി കോൺടാക്റ്റുകളിലേക്ക് സന്ദേശം അയക്കും. ഉപയോക്താവ് അപകടത്തിലാണെന്ന മുന്നറിയിപ്പാണ് ഇതിലൂടെ നൽകുന്നത്.
Also Read: ബഹിരാകാശത്തെ അദൃശ്യ കെണി! ഭാവിയിൽ ഇൻറർനെറ്റും ജിപിഎസും താറുമാറായേക്കാം
തുടക്കത്തിൽ വലിയ ശ്രദ്ധ ലഭിച്ചില്ലെങ്കിലും, നഗരങ്ങളിൽ ഒറ്റയ്ക്ക് കഴിയുന്ന യുവാക്കൾക്കിടയിൽ ആപ്പ് പെട്ടെന്ന് ജനപ്രിയമായി. ചൈനയിലെ ഏറ്റവും കൂടുതൽ ഡൗൺലോഡ് ചെയ്യപ്പെട്ട പെയ്ഡ് ആപ്പുകളിൽ ഒന്നാണിപ്പോൾ ഇത്. ഒറ്റയ്ക്ക് ജീവിക്കുന്ന വിദ്യാർത്ഥികൾക്കും ഐടി ജീവനക്കാർക്കും ഇതൊരു സുരക്ഷാ കവചമായി മാറിയിരിക്കുന്നു.
Are You Dead?’ എന്ന പേര് അല്പം ക്രൂരമാണെന്നാണ് ഒരു വിഭാഗം ആളുകളുടെ വിമർശനം. ‘Are You OK?’ എന്നോ മറ്റോ ഉള്ള പോസിറ്റീവ് പേരുകൾ നൽകണമെന്നാണ് ആവശ്യം. ഇതിനെത്തുടർന്ന് പേര് മാറ്റുന്ന കാര്യം പരിഗണനയിലാണെന്ന് ആപ്പിന്റെ നിർമ്മാതാക്കളായ മൂൺസ്കേപ്പ് ടെക്നോളജീസ് വ്യക്തമാക്കി. അന്താരാഷ്ട്ര വിപണിയിൽ Demumu എന്ന പേരിലാണ് ഈ ആപ്പ് ലഭ്യമാകുന്നത്. അമേരിക്ക, സിംഗപ്പൂർ, സ്പെയിൻ, ഓസ്ട്രേലിയ തുടങ്ങിയ രാജ്യങ്ങളിലും ആപ്പ് ഇപ്പോൾ ശ്രദ്ധിക്കപ്പെടുന്നുണ്ട്. 2030-ഓടെ ചൈനയിൽ ഒറ്റയ്ക്ക് താമസിക്കുന്നവരുടെ എണ്ണം 20 കോടി കടക്കുമെന്നാണ് കണക്കുകൾ. ഈ സാഹചര്യം മുൻനിർത്തിയാണ് ഇത്തരം ആപ്പുകൾക്ക് സ്വീകാര്യത ഏറുന്നത്. Are You Dead? ന്റെ സ്ഥാപകരെക്കുറിച്ച് അധികം വിവരങ്ങൾ ലഭ്യമല്ലെന്ന് ബിബിസിയുടെ റിപ്പോർട്ടിൽ പറയുന്നു.
The post നിങ്ങൾ ജീവനോടെയുണ്ടോ?ചൈനയിൽ തരംഗമായി ‘Are You Dead?’ ആപ്പ് appeared first on Express Kerala.
