സംസ്ഥാന ലേബര്‍ കോഡ്; അതിവേഗം നടപ്പാക്കില്ല, പഠിക്കാന്‍ 17 അംഗ കമ്മിറ്റിയെ നിയമിച്ച് സര്‍ക്കാര്‍
Current: മലയാളം
തിരുവനന്തപുരം: സംസ്ഥാനത്ത് ലേബര്‍ കോഡ് നടപ്പിലാക്കുന്നത് പഠിക്കാന്‍ സമിതി രൂപീകരിച്ച് സര്‍ക്കാര്‍.
മുഖ്യമന്ത്രി വി.ഡി സതീശന്‍റെ അധ്യക്ഷതയില്‍ ഇന്ന് ചേര്‍ന്ന തൊഴിലാളി സംഘടനകളുടെ യോഗത്തിലാണ് തീരുമാനം.
10 ദിവസത്തിനുള്ളില്‍ റിപ്പോര്‍ട്ട് സമര്‍പ്പിക്കണമെന്ന് മുഖ്യമന്ത്രി നിര്‍ദേശം നല്‍കി. സംസ്ഥാന സര്‍ക്കാര്‍ ഉണ്ടാക്കിയ ഡ്രാഫ്റ്റ് ഇന്നത്തെ യോഗത്തില്‍ ചര്‍ച്ചയായി.
ഇതുമായി ബന്ധപ്പെട്ട കൂടുതല്‍ കാര്യങ്ങള്‍ തീരുമാനിക്കുന്നതിനാണ് 17 അംഗ കമ്മിറ്റി രൂപീകരിച്ചത്.
കേരള സര്‍ക്കാര്‍ ഉണ്ടാക്കുന്ന ചട്ടം ഇന്ത്യക്ക് മാതൃകയാകുമെന്ന് മുഖ്യമന്ത്രി യോഗത്തില്‍ പറഞ്ഞു.
വിവിധ തൊളിലാളി സംഘടനകളെ പ്രതിനിധീകരിച്ച് 23 പ്രതിനിധികളും, ലേബര്‍ കമ്മീഷണറും യോഗത്തില്‍ പങ്കെടുത്തിരുന്നു.
ലേബര്‍ കോഡ് നടപ്പാക്കാന്‍ നേരത്തേ തീരുമാനിച്ചിട്ടുണ്ടെങ്കിലും വ്യവസ്ഥകളില്‍ തൊഴിലാളി സംഘടനകള്‍ക്കുള്ള ആശങ്കകളും എതിര്‍പ്പുകളും പരിഹരിച്ച ശേഷം മാത്രമേ മുന്നോട്ടുപോകൂവെന്ന നിലപാടിലാണ് സര്‍ക്കാര്‍.
തൊഴിലാളികളുടെ അവകാശങ്ങള്‍ സംരക്ഷിച്ചുകൊണ്ടായിരിക്കും ലേബര്‍ കോഡ് നടപ്പിലാക്കുകയെന്ന് മുഖ്യമന്ത്രി നേരത്തെ വ്യക്തമാക്കിയിരുന്നു.
ലേബര്‍ കോഡിലെ ചില വ്യവസ്ഥകള്‍ തൊഴിലാളിവിരുദ്ധമാണെന്ന വിലയിരുത്തലും സര്‍ക്കാരിനുണ്ട്.
അതേസമയം, ലേബര്‍ കോഡ് നടപ്പാക്കരുതെന്നും പകരം സംസ്ഥാനത്ത് പ്രത്യേക നിയമനിര്‍മാണം നടത്തണമെന്നുമാണ് തൊഴിലാളി സംഘടനകളുടെ ആവശ്യം.
