സൗദിയിലെ ദമാം വിമാനത്താവളത്തിന് നേരെയുള്ള ഹൂതി ആക്രമണം: ഇന്ത്യക്കാരനടക്കം 2 പേർ കൊല്ലപ്പെട്ടു, നിരവധി പേർക്ക് പരിക്ക് | Attack On Dammam Airport

റിയാദ് : സൗദി അറേബ്യയിലെ ദമാമിലുള്ള കിംഗ് ഫഹദ് അന്താരാഷ്ട്ര വിമാനത്താവളത്തിന് നേരെ യെമനിലെ ഹൂതി വിമതർ നടത്തിയ കടുത്ത ആക്രമണത്തിൽ രണ്ട് പേർ കൊല്ലപ്പെടുകയും എട്ടുപേർക്ക് പരിക്കേൽക്കുകയും ചെയ്തതായി സൗദി സിവിൽ ഏവിയേഷൻ അതോറിറ്റി അറിയിച്ചു. ബുധനാഴ്ച രാത്രി വൈകിയുണ്ടായ ആക്രമണത്തിൽ ഒരു സൗദി പൗരനും ഒരു ഇന്ത്യൻ പൗരനുമാണ് ജീവൻ നഷ്ടമായത്.(Attack On Dammam Airport, Indian Among Two Killed In Houthi Attack In Saudi Arabia)

ആക്രമണത്തിൽ മറ്റ് രണ്ട് ഇന്ത്യക്കാർക്ക് പരിക്കേറ്റതായി സൗദിയിലെ ഇന്ത്യൻ എംബസിയും സ്ഥിരീകരിച്ചിട്ടുണ്ട്. വിമാനത്താവളത്തിന് സംഭവിച്ച നാശനഷ്ടങ്ങളുടെ വ്യാപ്തി അധികൃതർ വിലയിരുത്തി വരികയാണ്. സമീപ ആഴ്ചകളിൽ സൗദിയിലെ എണ്ണ ശുദ്ധീകരണശാലകൾക്കും ജനവാസ മേഖലകൾക്കും വിമാനത്താവളങ്ങൾക്കും നേരെ ഹൂതി ആക്രമണങ്ങൾ ശക്തമായി തുടരുകയാണ്.

ആക്രമണ പശ്ചാത്തലത്തിൽ തങ്ങളുടെ ഉദ്യോഗസ്ഥരോടും കുടുംബങ്ങളോടും സൗദി വിടാൻ അമേരിക്ക നിർദ്ദേശം നൽകിയിട്ടുണ്ട്. സ്ഥിതിഗതികൾ കണക്കിലെടുത്ത് റിയാദിലെ ഇന്ത്യൻ എംബസി ദുരിതബാധിതരായ കുടുംബങ്ങളുമായി ബന്ധപ്പെട്ട് തുടർനടപടികൾ സ്വീകരിച്ചു വരുന്നു.

Story Summary

A late-night Houthi attack on King Fahd International Airport in Dammam, Saudi Arabia, claimed two lives—a Saudi citizen and an Indian national—and left eight others injured, including two Indian nationals. The escalated Houthi strikes on civilian and oil infrastructure have disrupted travel and trade, prompting diplomatic security warnings and foreign embassy interventions to assist affected families.