‘ജയിലർ 2’ൽ പതിനാറോളം സീനുകൾ വെട്ടിമാറ്റി; അവസാനം തനിക്ക് സീനുണ്ടോയെന്ന് ചോദിക്കേണ്ടിവന്നെന്ന് അന്ന രാജൻ | Anna Rajan Jailer 2 scenes cut

രജനികാന്ത് നായകനായ ‘ജയിലർ 2’ സിനിമയിൽ താൻ അഭിനയിച്ച പതിനാറോളം സീനുകൾ വെട്ടിമാറ്റിയെന്ന് വെളിപ്പെടുത്തി നടി അന്ന രാജൻ. ചിത്രത്തിൽ സുരാജ് വെഞ്ഞാറമൂട് അവതരിപ്പിക്കുന്ന ദിലീപ് എന്ന കഥാപാത്രത്തിന്റെ ഭാര്യയായാണ് അന്ന എത്തിയത് (Anna Rajan Jailer 2 scenes cut). സുരാജിനൊപ്പം നിരവധി കോംബിനേഷൻ സീനുകൾ ഉണ്ടായിരുന്നെങ്കിലും എഡിറ്റിങ്ങിനിടെ അവയിൽ പലതും ഒഴിവാക്കിയെന്ന് നടി പറഞ്ഞു.

‘മാമാ, തമ്പി പാവം’ എന്ന തന്റെ ഡയലോഗിന് പിന്നാലെ സുരാജ് വെഞ്ഞാറമൂടിന്റെ കഥാപാത്രം പ്രകടിപ്പിക്കുന്ന ഭാവവും അതിനുശേഷമുള്ള തന്റെ പ്രതികരണവും സിനിമയിൽനിന്ന് ഒഴിവാക്കിയിരുന്നു. സുരാജിന്റെ കഥാപാത്രത്തിന് ലഭിക്കുന്ന പ്രാധാന്യം കുറയുമെന്ന കാരണത്താലാണ് ആ രംഗം വെട്ടിമാറ്റിയതെന്നാണ് അന്നയുടെ വെളിപ്പെടുത്തൽ. ഇതിനു പുറമേ ഏകദേശം പതിനാറോളം സീനുകൾ കൂടി ഒഴിവാക്കിയെന്നും സിനിമയുടെ എഡിറ്റിങ്ങിനുശേഷം തനിക്ക് സീനുകളുണ്ടോയെന്ന് ചോദിക്കേണ്ടിവന്നെന്നും താരം പറഞ്ഞു.

എന്നാൽ, സിനിമയുടെ ഭാഗമാകാൻ കഴിഞ്ഞതിൽ സന്തോഷമുണ്ടെന്നും അന്ന വ്യക്തമാക്കി. രജനികാന്തിനൊപ്പം ഒരു മാസത്തോളം ചെലവഴിക്കാൻ കഴിഞ്ഞതും അദ്ദേഹത്തിന്റെ അഭിനയം നേരിട്ട് കാണാനും സംസാരിക്കാനും സാധിച്ചതും വലിയ അനുഭവമായിരുന്നു. സംവിധായകൻ നെൽസൺ എല്ലാവരെയും സിനിമയിൽ കൃത്യമായി ഉപയോഗിച്ചിട്ടുണ്ടെന്നും അന്ന അഭിപ്രായപ്പെട്ടു. ‘ജയിലർ 3’യിൽ തിരിച്ചുവരാനും പ്രതികാരം തീർക്കാനും സാധ്യതയുണ്ടെന്ന തമാശയും താരം പങ്കുവച്ചു. ചിത്രത്തിലെ തന്റെ ഡയലോഗ് തമിഴ്നാട്ടിൽ വലിയ ഹിറ്റായെന്നും അന്ന പറഞ്ഞു.

Summary: Actress Anna Rajan revealed that around 16 of her scenes were cut from Jailer 2, including several combination scenes with Sooraj Venjaramoodu. Despite the cuts, she said she was happy to be part of the film and to have spent time observing and interacting with Rajinikanth.