‘CJP പ്രതിഷേധത്തിൽ പങ്കില്ല’: കാരണം കാണിക്കൽ നോട്ടീസിനെതിരെ നേഹ ബോറ ഡൽഹി ഹൈക്കോടതിയിൽ | Neha Bora

ന്യൂഡൽഹി : കോക്ക്‌റോച്ച് ജനതാ പാർട്ടിയുടെ (CJP) പ്രതിഷേധ പരിപാടികളുമായി തനിക്ക് യാതൊരു ബന്ധവുമില്ലെന്ന് നേഹ ബോറ ഡൽഹി ഹൈക്കോടതിയിൽ വ്യക്തമാക്കി. ഒക്ടോബർ 16-ന് കസ്റ്റഡിയിലെടുത്ത ശേഷം ഡൽഹി സ്പെഷ്യൽ എക്സിക്യൂട്ടീവ് മജിസ്ട്രേറ്റ് തനിക്ക് നൽകിയ കാരണം കാണിക്കൽ നോട്ടീസ് ചോദ്യം ചെയ്തുകൊണ്ട് സമർപ്പിച്ച ഹർജിയിലാണ് വാദം നടന്നത്.(Neha Bora Challenges SEM Notice In Delhi High Court Over CJP Protest Detention)

നേഹ ബോറ പൊതുസമാധാനം ലംഘിക്കുന്ന യാതൊരുവിധ കുറ്റകൃത്യങ്ങളിലും ഏർപ്പെട്ടിട്ടില്ലെന്ന് അവരുടെ അഭിഭാഷകൻ ഗോപാൽ ശങ്കരനാരായണൻ കോടതിയെ അറിയിച്ചു. മണ്ഡി ഹൗസിലേക്ക് മാർച്ച് നടത്തുന്നതിനിടെ ഒക്ടോബർ 16-നാണ് നേഹയെ പൊലീസ് കസ്റ്റഡിയിലെടുത്തത്. പിറ്റേന്ന് മോചിതയായെങ്കിലും, ഒക്ടോബർ 18-ന് 10,000 രൂപയുടെ വ്യക്തിഗത ബോണ്ട് സമർപ്പിക്കാനും സമാധാനം പാലിക്കാനും നിർദ്ദേശിച്ച് ഭരണകൂടം നോട്ടീസ് അയക്കുകയായിരുന്നു.

നിരോധനാജ്ഞ നിലനിൽക്കുന്ന ജന്തർ മന്ദിർ, കണോട്ട് പ്ലേസ് എന്നീ പ്രദേശങ്ങളിൽ ആളുകളെ സംഘടിപ്പിക്കാൻ ശ്രമിച്ചുവെന്നാണ് നോട്ടീസിലെ ആരോപണം. എന്നാൽ, നേഹയുടെ സോഷ്യൽ മീഡിയ പോസ്റ്റുകളിലോ പ്രസംഗങ്ങളിലോ അക്രമത്തിന് ആഹ്വാനം ചെയ്യുന്ന രീതിയിലുള്ള യാതൊരു പരാമർശങ്ങളും ഉണ്ടായിരുന്നില്ലെന്നും ജനാധിപത്യപരമായ പ്രതിഷേധത്തിനുള്ള അവകാശത്തെ തടയാനാണ് പൊലീസ് ശ്രമിക്കുന്നതെന്നും അഭിഭാഷകൻ വാദിച്ചു.

Story Summary

AISA President Neha Bora told the Delhi High Court that she had no connection to the Cockroach Janta Party’s (CJP) protest call, while challenging a Special Executive Magistrate notice issued after her preventive detention on October 16. Her counsel, Senior Advocate Gopal Sankaranarayanan, argued that her actions were peaceful and that preventive powers were being misused to suppress legitimate dissent and freedom of speech.