വെസ്റ്റ് ബാങ്കിൽ ഇസ്രായേൽ സൈന്യത്തിൻ്റെ വ്യാപക പരിശോധനയും അറസ്റ്റും: നിരവധി പലസ്തീനികൾ കസ്റ്റഡിയിൽ | Israeli Forces

റാമല്ല: അധിനിവിഷ്ട വെസ്റ്റ് ബാങ്കിൽ പലസ്തീനികൾക്ക് നേരെ കടുത്ത നടപടികളുമായി ഇസ്രായേൽ സൈന്യം. വിവിധ നഗരങ്ങളിൽ നടത്തിയ വ്യാപക പരിശോധനകളിൽ ഒട്ടേറെ പലസ്തീനികളെ സൈന്യം കസ്റ്റഡിയിലെടുത്തു. ഹെബ്രോൺ നഗരത്തിലുണ്ടായ ആക്രമണത്തിൽ രണ്ട് ഇസ്രായേലി സൈനികർ കൊല്ലപ്പെട്ടതിനെ തുടർന്ന് പടിഞ്ഞാറൻ കര പൂർണമായി അടച്ചിടാൻ പ്രധാനമന്ത്രി ബെഞ്ചമിൻ നെതന്യാഹു ഉത്തരവിട്ടതിന് പിന്നാലെയാണ് ഈ സൈനിക നീക്കം.(Israeli Forces Raid West Bank Towns Detain Dozens After Hebron Attack)

വടക്കൻ പടിഞ്ഞാറൻ കരയിലെ കുറഞ്ഞത് 15 നഗരങ്ങളിലും ഗ്രാമങ്ങളിലും ഇസ്രായേൽ സൈന്യം ഒരേസമയം റെയ്ഡ് നടത്തിയതായി റിപ്പോർട്ട് ചെയ്തു. നാബ്ലുസ്, ജെനിൻ, ടുബാസ്, ഖൽഖില്യ തുടങ്ങിയ പ്രധാന നഗരങ്ങളെയും സമീപ പ്രദേശങ്ങളെയുമാണ് ഇസ്രായേൽ സൈന്യം പ്രധാനമായും ലക്ഷ്യമിട്ടത്.

നാബ്ലുസിലെ ജലൂദ്, ഖര്യൂത് എന്നീ ഗ്രാമങ്ങളിലെ വീടുകളിൽ കയറി പരിശോധന നടത്തുകയും നിരവധിയാളുകളെ അറസ്റ്റ് ചെയ്യുകയും ചെയ്തു. ജെനിന് സമീപമുള്ള അറബെ, ബുർഖിൻ എന്നീ പ്രദേശങ്ങളിലും, ടുബാസിലും അഖാബ നഗരത്തിലും സമാന രീതിയിൽ ശക്തമായ തെരച്ചിലാണ് നടക്കുന്നത്. നഗരങ്ങൾ അടച്ചിട്ടതോടെ മേഖലയിൽ കടുത്ത സംഘർഷാവസ്ഥ നിലനിൽക്കുകയാണ്.

Story Summary

Israeli forces have launched extensive raids across at least 15 towns in the occupied West Bank, detaining dozens of Palestinians. The crackdown follows a total lockdown ordered by Prime Minister Benjamin Netanyahu after an attack in Hebron killed two Israeli soldiers.