ഹൂസ്റ്റണിൽ പാർട്ടിക്കിടെ വീടിനുള്ളിൽ വെടിവയ്പ്: ഒരാൾ കൊല്ലപ്പെട്ടു

ഹൂസ്റ്റൺ: ഹൂസ്റ്റണിൽ ഹൗസ് പാർട്ടിക്കിടയിലുണ്ടായ വെടിവയ്പിൽ യുവാവ് കൊല്ലപ്പെട്ടു. മറ്റൊരു യുവാവിന് പരുക്ക് പറ്റി. എൽതാനിയസ് ടോണിവർ (23) ആണ് മരിച്ചത്. കയ്യിലും കാലിലും വെടിയേറ്റ 19 വയസ്സുകാരനായ മറ്റൊരു യുവാവ് ആശുപത്രിയിൽ ചികിത്സയിലാണ്. ഇയാളുടെ പരുക്ക് ഗുരുതരമല്ല.

ശനിയാഴ്ച പുലർച്ചെ ഒരു മണിയോടെ ബെയർ സ്ട്രീറ്റിലെ വാടകവീട്ടിലാണ് സംഭവം നടന്നത്. പാർട്ടിക്കിടെ വീടിനുള്ളിൽ വെടിവയ്പ് ഉണ്ടാവുകയും പിന്നീട് റോഡിലേക്ക് വെടിയുതിർക്കുകയുമായിരുന്നുവെന്ന് പൊലീസ് അറിയിച്ചു. സംഭവവുമായി ബന്ധപ്പെട്ട് ഇതുവരെ ആരെയും അറസ്റ്റ് ചെയ്തിട്ടില്ല. ഹൂസ്റ്റൺ പൊലീസ് വകുപ്പ് അന്വേഷണം ഊർജിതമാക്കിയിട്ടുണ്ട്.