സോണി എഫ്‌എക്‌സ് 5 സിനിമാ ലൈൻ ക്യാമറ പുറത്തിറക്കി; വില 5.09 ലക്ഷം രൂപ മുതൽ | Sony FX5 camera
Current: മലയാളം
കൊച്ചി: ഫുൾ-ഫ്രെയിം സിനിമാ ലൈൻ ക്യാമറയായ എഫ്‌എക്‌സ് 5 ഇന്ത്യയിൽ അവതരിപ്പിച്ച് സോണി (Sony FX5 camera). അത്യാധുനിക ഇമേജ് സെൻസറും ഹൈ-സ്പീഡ് പ്രോസസ്സിംഗ് സംവിധാനവും ഉൾപ്പെടുത്തിയ ക്യാമറ വീഡിയോ ക്രിയേറ്റർമാർക്കും ഛായാഗ്രാഹകർക്കും പ്രൊഫഷണൽ പ്രൊഡക്ഷൻ ആവശ്യങ്ങൾക്കുമായി രൂപകൽപ്പന ചെയ്തതാണ്.
ഫുൾ-ഫ്രെയിം CMOS ഇമേജ് സെൻസർ, ബയോൺസ് എക്സ്ആർ 2 പ്രോസസ്സിംഗ് യൂണിറ്റ്, ഹൈ-സ്പീഡ് ഇമേജ് പ്രോസസ്സിംഗ് എൻജിൻ എന്നിവയാണ് എഫ്‌എക്‌സ് 5-ന്റെ പ്രധാന സവിശേഷതകൾ. ഡ്യുവൽ ഗെയിൻ ഷൂട്ടിംഗ് മോഡ്, 15 സ്റ്റോപ്പിലധികമുള്ള ഡൈനാമിക് റേഞ്ച്, മൂന്ന് അടിസ്ഥാന ഐഎസ്ഒ സെറ്റിങ്ങുകൾ എന്നിവയും ക്യാമറയിലുണ്ട്.
സോണിയുടെ 16-ബിറ്റ് റോ ഫോർമാറ്റായ എക്സ്-ഒസിഎൻ ഇൻ-ക്യാമറ റെക്കോർഡിംഗും ഓപ്പൺ ഗേറ്റ് ഷൂട്ടിംഗും ക്യാമറ പിന്തുണയ്ക്കുന്നു. 60 എഫ്പിഎസിൽ 5കെ, 120 എഫ്പിഎസിൽ 4കെ, 240 എഫ്പിഎസിൽ ഫുൾ എച്ച്ഡി വീഡിയോകൾ റെക്കോർഡ് ചെയ്യാനും സാധിക്കും.
സിനിമാറ്റിക് ചിത്രീകരണത്തിന് അനുയോജ്യമായ രൂപകൽപ്പന
മികച്ച സിനിമാറ്റിക് അനുഭവം നൽകുന്നതിനൊപ്പം എളുപ്പത്തിൽ കൈകാര്യം ചെയ്യാവുന്ന രീതിയിലാണ് എഫ്‌എക്‌സ് 5 രൂപകൽപ്പന ചെയ്തിരിക്കുന്നത്. വ്യത്യസ്ത പ്രൊഡക്ഷൻ സാഹചര്യങ്ങളിലെ ആവശ്യങ്ങൾ നിറവേറ്റാൻ ക്യാമറ സഹായിക്കുമെന്ന് സോണി അറിയിച്ചു.
ക്യാമറയ്‌ക്കൊപ്പം ഓപ്ഷണലായി വാങ്ങാവുന്ന ഡിറ്റാച്ചബിൾ ഒഎൽഇഡി വ്യൂഫൈൻഡറും എക്സ്എൽആർ ഹാൻഡിൽ യൂണിറ്റും സോണി അവതരിപ്പിച്ചിട്ടുണ്ട്. ഉയർന്ന നിലവാരത്തിലുള്ള ഓഡിയോ റെക്കോർഡിംഗിന് എക്സ്എൽആർ ഹാൻഡിൽ സഹായകമാകും.
വിലയും ലഭ്യതയും
എഫ്‌എക്‌സ് 5 സിനിമാ ലൈൻ ക്യാമറ, ഒഎൽഇഡി വ്യൂഫൈൻഡർ, എക്സ്എൽആർ ഹാൻഡിൽ എന്നിവ സോണിയുടെ അംഗീകൃത റീട്ടെയിൽ ഔട്ട്‌ലെറ്റുകൾ, സോണി ക്യാമറ ലോഞ്ച്, ആൽഫ മുൻനിര സ്റ്റോറുകൾ, സോണി സെന്ററുകൾ, ShopatSC.com, പ്രധാന ഇലക്ട്രോണിക് സ്റ്റോറുകൾ എന്നിവിടങ്ങളിൽ ലഭ്യമാകും.
ഉൽപ്പന്നങ്ങളുടെ വിലവിവരം:
എഫ്‌എക്‌സ് 5 ക്യാമറ: ₹5,61,990
എഫ്‌എക്‌സ് 5ബി പതിപ്പ്: ₹5,09,990
ഡിവിഎഫ്-ഇഎൽ 1 ഒഎൽഇഡി വ്യൂഫൈൻഡർ: ₹1,05,990
എക്സ്എൽആർ-എച്ച് 2 ഹാൻഡിൽ യൂണിറ്റ്: ₹1,33,990
വിഎംസി-ബിഎൻസിയു 1 ടൈംകോഡ് അഡാപ്റ്റർ കേബിൾ: ₹13,990
സോണിയുടെ സിനിമാ ലൈൻ ക്യാമറകൾക്ക് ലോകമെമ്പാടുമുള്ള ഛായാഗ്രാഹകർക്കും വീഡിയോ ക്രിയേറ്റർമാർക്കുമിടയിൽ മികച്ച സ്വീകാര്യതയുണ്ടെന്നും കമ്പനി വ്യക്തമാക്കി.
Story Summary: Sony India has launched the FX5 full-frame Cinema Line camera, featuring a CMOS image sensor, BIONZ XR 2 processor, dual base ISO settings and a dynamic range exceeding 15 stops. It supports 5K recording at 60fps, 4K at 120fps and Full HD at 240fps. The camera is priced at ₹5,61,990, while the FX5B version costs ₹5,09,990. Optional accessories include an OLED viewfinder and an XLR handle unit.
