ബംഗാളിൽ ലഹരിവിരുദ്ധ പട്രോളിംഗ് ശക്തം: പരിശോധനയിൽ 378 പേർ അറസ്റ്റിൽ, 64 കോടിയുടെ ലഹരിവസ്തുക്കൾ പിടിച്ചെടുത്തു | West Bengal Anti Narcotics Drive

കൊൽക്കത്ത: പശ്ചിമ ബംഗാളിൽ ലഹരിമരുന്ന് കടത്തിനെതിരെ ശക്തമായ നടപടികളുമായി സർക്കാർ. ഒക്ടോബർ 31 മുതൽ നവംബർ 7 വരെ സംസ്ഥാനത്തുടനീളം നടത്തിയ പ്രത്യേക പരിശോധനയിൽ 378 പേർ അറസ്റ്റിലാവുകയും 64 കോടിയോളം രൂപ വിലമതിക്കുന്ന ലഹരിവസ്തുക്കൾ പിടിച്ചെടുക്കുകയും ചെയ്തതായി മുഖ്യമന്ത്രി സുവേന്ദു അധികാരി വ്യക്തമാക്കി.(West Bengal Anti Narcotics Drive 378 Arrested Drugs Worth 64 Crore Seized)

എൻ.ഡി.പി.എസ് നിയമപ്രകാരം 212 കേസുകളാണ് എട്ടുദിവസത്തെ ഈ പ്രത്യേക ദൗത്യത്തിനിടെ രജിസ്റ്റർ ചെയ്തത്. റെയ്ഡുകളിൽ 17 ലക്ഷം രൂപയുടെ പണവും സുരക്ഷാ ഏജൻസികൾ പിടിച്ചെടുത്തു. കൂടാതെ, മുമ്പ് കണ്ടുകെട്ടിയ 101 കോടിയോളം രൂപ വിലവരുന്ന ലഹരിവസ്തുക്കൾ നശിപ്പിക്കുകയും ചെയ്തു. ലഹരിമരുന്ന് വ്യാപാരികൾക്കെതിരെ സംസ്ഥാന സർക്കാർ ‘സീറോ ടോളറൻസ്’ നയമാണ് സ്വീകരിക്കുന്നതെന്ന് സോഷ്യൽ മീഡിയ പോസ്റ്റിൽ മുഖ്യമന്ത്രി കൂട്ടിച്ചേർത്തു.

പരിശോധനയുടെ ഭാഗമായി 300 ബിഘ സ്ഥലത്തു നടത്തിയ നിയമവിരുദ്ധ കഞ്ചാവ് കൃഷി ഉദ്യോഗസ്ഥർ നശിപ്പിച്ചു. കേസിൽ ഉൾപ്പെട്ട പ്രതികളുടെ 1 കോടി രൂപ വിലമതിക്കുന്ന സ്വത്തുക്കൾ കണ്ടുകെട്ടുകയും 110 പേർക്കെതിരെ 68 സാമ്പത്തിക അന്വേഷണങ്ങൾ ആരംഭിക്കുകയും ചെയ്തിട്ടുണ്ട്. ബോധവൽക്കരണത്തിന്റെ ഭാഗമായി 215 പൊതുജന ബോധവൽക്കരണ ക്യാമ്പയിനുകളും ഇതിനോടൊപ്പം സംഘടിപ്പിച്ചിരുന്നു.

Story Summary

West Bengal Chief Minister Suvendu Adhikari announced that 378 people were arrested and narcotics worth ₹64 crore were seized during a week-long anti-drug crackdown across the state. The operation, conducted from October 31 to November 7, led to 212 NDPS cases, the destruction of illegal ganja cultivation across 300 bighas, and property attachments worth ₹1 crore.