ധനുവച്ചപുരത്ത് വിദ്യാർഥിനി ബസിടിച്ച് മരിച്ച സംഭവം; കെഎസ്ആർടിസി ഡ്രൈവർ പിടിയിൽ | Dhanuvachapuram accident
തിരുവനന്തപുരം: ധനുവച്ചപുരത്ത് കെഎസ്ആർടിസി ബസിടിച്ച് പതിനഞ്ചുകാരിയായ വിദ്യാർഥിനി മരിച്ച സംഭവത്തിൽ ബസ് ഡ്രൈവർ പിടിയിലായി (Dhanuvachapuram accident). വെള്ളറട സ്വദേശി സുരേഷ് ബാബുവിനെയാണ് പാറശ്ശാല പൊലീസ് പിടികൂടിയത്. കെഎസ്ആർടിസിയിലെ എംപാനൽ ജീവനക്കാരനാണ് ഇയാൾ.
അച്ഛനോടൊപ്പം സ്കൂട്ടറിൽ യാത്ര ചെയ്യുകയായിരുന്ന അന്നപൂർണേന്ദുവാണ് അപകടത്തിൽ മരിച്ചത്. അപകടത്തിന് പിന്നാലെ ബസ് ഡ്രൈവർ സ്ഥലത്തുനിന്ന് രക്ഷപ്പെട്ടിരുന്നു. തുടർന്ന് നടത്തിയ അന്വേഷണത്തിനൊടുവിൽ ഇന്ന് രാവിലെയാണ് പൊലീസ് ഇയാളെ പിടികൂടിയത്.
പ്രതിയെ റിമാൻഡ് ചെയ്തു
കോടതിയിൽ ഹാജരാക്കിയ സുരേഷ് ബാബുവിനെ റിമാൻഡ് ചെയ്തു. മനഃപൂർവമല്ലാത്ത നരഹത്യ ഉൾപ്പെടെയുള്ള കുറ്റങ്ങളാണ് പ്രതിക്കെതിരെ ചുമത്തിയിരിക്കുന്നത്.
ധനുവച്ചപുരത്തുനിന്ന് അമരവിള ഭാഗത്തേക്ക് പോകുകയായിരുന്ന സ്കൂട്ടറിൽ എതിർദിശയിൽ വന്ന കെഎസ്ആർടിസി ബസ് ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ അന്നപൂർണേന്ദുവിന്റെ ദേഹത്തുകൂടി ബസ് കയറിയിറങ്ങുകയായിരുന്നു. ഗുരുതരമായി പരിക്കേറ്റ കുട്ടി സംഭവസ്ഥലത്തുതന്നെ മരിച്ചു.
അപകടത്തിൽ പിതാവ് അശോകനും പരിക്കേറ്റിരുന്നു. സംഭവത്തിൽ പൊലീസ് തുടർനടപടികൾ സ്വീകരിച്ചുവരികയാണ്.
Story Summary : A 15-year-old girl, Annapoornendu, died after a KSRTC bus collided with the scooter she was travelling on with her father at Dhanuvachapuram in Thiruvananthapuram. The bus driver, Suresh Babu, a KSRTC panel employee from Vellarada, was arrested by Parassala police and remanded by a court. The girl’s father was also injured in the accident.
