വരാനിരിക്കുന്ന ടി20 ലോകകപ്പിന് തൊട്ടുമുമ്പ് അഫ്ഗാനിസ്ഥാൻ ക്രിക്കറ്റ് ടീമിന് കനത്ത തിരിച്ചടി. ടീമിലെ സ്റ്റാർ പേസർ നവീൻ ഉൾ ഹഖ് പരിക്കിനെത്തുടർന്ന് ലോകകപ്പ് ടീമിൽ നിന്നും വെസ്റ്റ് ഇൻഡീസിനെതിരായ ടി20 പരമ്പരയിൽ നിന്നും പുറത്തായി. തോളിലേറ്റ പരിക്ക് ഗുരുതരമായതിനാൽ താരം ഈ മാസം അവസാനം ശസ്ത്രക്രിയയ്ക്ക് വിധേയനാകുമെന്നാണ് റിപ്പോർട്ടുകൾ സൂചിപ്പിക്കുന്നത്.
നീണ്ട കാലമായി പരിക്കിന്റെ പിടിയിലായിരുന്ന നവീൻ, 2024 ഡിസംബറിന് ശേഷം അഫ്ഗാൻ ജേഴ്സിയിൽ കളിച്ചിട്ടില്ല. പരിക്ക് മൂലം 2025-ലെ ഏഷ്യാ കപ്പും താരത്തിന് നഷ്ടമായിരുന്നു. ലോകകപ്പിന് മുന്നോടിയായി SA20 ഉൾപ്പെടെയുള്ള വിവിധ ലീഗുകളിൽ കളിച്ച് ഫിറ്റ്നസ് വീണ്ടെടുക്കാൻ താരം കഠിനശ്രമം നടത്തിയെങ്കിലും പരിക്ക് വീണ്ടും വില്ലനാവുകയായിരുന്നു. നവീന് പകരക്കാരനായി സിയ ഉർ റഹ്മാൻ ഷെരീഫി, എഎം ഗസൻഫർ എന്നിവരിലൊരാളെ ടീമിലെടുക്കാനാണ് അഫ്ഗാൻ ക്രിക്കറ്റ് ബോർഡിന്റെ നീക്കം.
The post അഫ്ഗാന് വമ്പൻ പ്രഹരം! സ്റ്റാർ പേസർ നവീൻ ഉൾ ഹഖ് ടി20 ലോകകപ്പിൽ നിന്നും പുറത്ത്; ആരാധകർ നിരാശയിൽ appeared first on Express Kerala.
