തിരക്കേറിയ രാവിലെകളിൽ ബ്രേക്ക്ഫാസ്റ്റ് ഒഴിവാക്കാതിരിക്കാൻ എളുപ്പത്തിൽ തയ്യാറാക്കാവുന്ന ഒന്നാണ് ഈ ഹെൽത്തി ചീസി എഗ്ഗ് റോൾ. കുറഞ്ഞ സമയത്തിനുള്ളിൽ തയ്യാറാക്കാം എന്നതുപോലെ തന്നെ കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന രുചികരമായ ഒരു വിഭവം കൂടിയാണിത്.
ചേരുവകൾ
മുട്ട – 2
പാല് 1 ടീസ്പൂൺ
കുരുമുളക് പൊടി 1 ടീസ്പൂൺ
ഉപ്പ് – ആവശ്യത്തിന്
കാരറ്റ് – ആവശ്യത്തിന്
ക്യാപ്സിക്കം- ആവശ്യത്തിന്
സവോള – ആവശ്യത്തിന്
തയ്യാറാക്കുന്ന വിധം
ഉടച്ച മുട്ടയിലേക്ക് 1 ടീസ്പൂൺ പാൽ ഒഴിച്ച് നന്നായി ബീറ്റ് ചെയ്ത് മാറ്റി വയ്ക്കുക. ഒരു പാൻ എടുത്ത ശേഷം അതിലേയ്ക്ക് 1 ട്ബുൽ സ്പൂൺ ബട്ടർ ഇടുക. ഉടനെതന്നെ ഇതിലേക്ക് ബീറ്റ് ചെയ്ത് വച്ച മുട്ട ഒഴിക്കുക. ചെറുതായി ഗ്രേറ്റ് ചെയ്ത ക്യാരറ്റ് ക്യപ്സിക്കം സവോള എന്നിവ അതിന് മുകളിലേക്ക് ഇടുക. അതിന് ശേഷം ഗ്രേറ്റ് ചെയ്ത ചീസ് ചേർക്കുക. ഇനി ഇതിന് മുകളിലായി ചപ്പാത്തിയോ കുബ്ബൂയോ അല്ലെങ്കിൽ റൊമാലി റൊട്ടിയോ വച്ച് കൊടുക്കാം. അങ്ങനെ ഏകദേശം 2 മിനിട്ട് ചെറിയ തീയിൽ വേവിക്കുക. 2 മിനിട്ട് കഴിയുമ്പോൾ ഇത് തിരിച്ചിട്ട് അതിന് മുകളിൽ വീണ്ടും ചീസ് ഇടുക. വീണ്ടും 1 മിനിട്ട് കൂടി അങ്ങനെ വേവിക്കുക. അതിന് ശേഷം റോൾ ചെയ്തെടുക്കുക. ചൂടോടെ സോസ് ചേർത്ത് കഴിക്കാവുന്നതാണ്.
The post ഹെൽത്തി ചീസി എഗ് റോൾ ചെയ്താലോ? റെസിപ്പി ഇതാ…! appeared first on Express Kerala.
