വർധിച്ചുവരുന്ന ഇന്ധനവിലയും ഇലക്ട്രിക് വാഹനങ്ങൾക്കായുള്ള ചാർജിംഗ് സൗകര്യങ്ങളുടെ പരിമിതിയും കണക്കിലെടുത്ത് ഹൈബ്രിഡ് കാറുകൾക്ക് ഇന്ത്യയിൽ പ്രിയമേറുകയാണ്. പെട്രോൾ എൻജിനൊപ്പം ഇലക്ട്രിക് മോട്ടോർ കൂടി പ്രവർത്തിക്കുന്നതിനാൽ മികച്ച മൈലേജും കുറഞ്ഞ മലിനീകരണവുമാണ് ഇവ വാഗ്ദാനം ചെയ്യുന്നത്. ഹോണ്ട, മാരുതി സുസുക്കി, ടൊയോട്ട തുടങ്ങിയ പ്രമുഖ ബ്രാൻഡുകൾ ഈ സാങ്കേതികവിദ്യയിൽ മികച്ച മോഡലുകൾ വിപണിയിലെത്തിച്ചിട്ടുണ്ട്.
ഹോണ്ട സിറ്റി ഇ-എച്ച്ഇവി ആണ് ഈ പട്ടികയിലെ പ്രധാനി. 1.5 ലിറ്റർ അറ്റ്കിൻസൺ സൈക്കിൾ എൻജിൻ കരുത്തുപകരുന്ന ഈ സെഡാൻ ലിറ്ററിന് 27.27 കിലോമീറ്റർ മൈലേജ് നൽകുന്നു. അഡാപ്റ്റീവ് ക്രൂയിസ് കൺട്രോൾ, ലെയ്ൻ കീപ്പ് അസിസ്റ്റ് തുടങ്ങിയ അത്യാധുനിക സുരക്ഷാ ഫീച്ചറുകളാൽ സമ്പന്നമാണ് ഏകദേശം 20 ലക്ഷം രൂപ വിലവരുന്ന ഈ വാഹനം.
മാരുതി സുസുക്കി ഗ്രാൻഡ് വിറ്റാരയും ടൊയോട്ട അർബൻ ക്രൂയിസർ ഹൈറൈഡറുമാണ് മൈലേജിന്റെ കാര്യത്തിൽ മുൻപന്തിയിലുള്ള മറ്റ് രണ്ട് മോഡലുകൾ. ലിറ്ററിന് 27.97 കിലോമീറ്റർ മൈലേജ് വാഗ്ദാനം ചെയ്യുന്ന ഗ്രാൻഡ് വിറ്റാരയ്ക്ക് 1.5 ലിറ്റർ ശക്തമായ ഹൈബ്രിഡ് എൻജിനാണുള്ളത്. പനോരമിക് സൺറൂഫ്, 360 ഡിഗ്രി ക്യാമറ, വെന്റിലേറ്റഡ് സീറ്റുകൾ തുടങ്ങിയ പ്രീമിയം സൗകര്യങ്ങൾ ഇതിൽ ഉൾപ്പെടുന്നു.
Also Read: പുതിയ കിയ സിറോസ് HTK (EX) വേരിയന്റ് പുറത്തിറങ്ങി; വിലയും സവിശേഷതകളും അറിയാം
ഹൈബ്രിഡ് വാഹന വിപണിയിൽ വിപ്ലവം സൃഷ്ടിച്ചുകൊണ്ട് മാരുതി സുസുക്കി വിക്ടോറിസ് മികച്ച പ്രകടനമാണ് കാഴ്ചവെക്കുന്നത്. 1.5 ലിറ്റർ K15C സ്മാർട്ട് ഹൈബ്രിഡ്, 1.5 ലിറ്റർ M15D സ്ട്രോംഗ് ഹൈബ്രിഡ് എന്നിങ്ങനെ രണ്ട് എഞ്ചിൻ ഓപ്ഷനുകൾ ഈ വാഹനത്തിനുണ്ട്. ലിറ്ററിന് 28.65 കിലോമീറ്റർ എന്ന മികച്ച ഇന്ധനക്ഷമതയാണ് കമ്പനി ഈ മോഡലിന് അവകാശപ്പെടുന്നത്. ഏകദേശം 10.5 ലക്ഷം രൂപ മുതൽ വില ആരംഭിക്കുന്ന വിക്ടോറിസിൽ സുരക്ഷയ്ക്കായി ആറ് എയർബാഗുകളും ലെവൽ-2 ADAS സാങ്കേതികവിദ്യയും ഉൾപ്പെടുത്തിയിട്ടുണ്ട്. ആധുനിക സൗകര്യങ്ങളുടെ കാര്യത്തിലും വിക്ടോറിസ് ഒട്ടും പിന്നിലല്ല. 10.25 ഇഞ്ച് വലിപ്പമുള്ള വലിയ ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ, വെന്റിലേറ്റഡ് ഫ്രണ്ട് സീറ്റുകൾ എന്നിവ ഇതിന്റെ പ്രത്യേകതയാണ്. കൂടാതെ പനോരമിക് സൺറൂഫ്, ഹെഡ്-അപ്പ് ഡിസ്പ്ലേ, 360 ഡിഗ്രി ക്യാമറ തുടങ്ങിയ പ്രീമിയം ഫീചറുകൾ യാത്ര കൂടുതൽ സുഖകരമാക്കുന്നു.
ടൊയോട്ടയിൽ നിന്നുള്ള അർബൻ ക്രൂയിസർ ഹൈറൈഡറും ഇന്ധനക്ഷമതയിൽ മുൻപന്തിയിലാണ്. 1.5 ലിറ്റർ മൈൽഡ്-ഹൈബ്രിഡ്, 1.5 ലിറ്റർ സ്ട്രോംഗ് ഹൈബ്രിഡ് എഞ്ചിനുകളിൽ ലഭ്യമായ ഈ എസ്യുവി ലിറ്ററിന് 27.97 കിലോമീറ്റർ മൈലേജ് വാഗ്ദാനം ചെയ്യുന്നു. പനോരമിക് സൺറൂഫ്, വയർലെസ് ചാർജിംഗ്, 360 ഡിഗ്രി ക്യാമറ, ഓട്ടോമാറ്റിക് ക്ലൈമറ്റ് കൺട്രോൾ എന്നിവയാണ് ഹൈറൈഡറിലെ പ്രധാന സവിശേഷതകൾ.
The post മൈലേജിന്റെ രാജാക്കന്മാർ; 20 കിലോമീറ്ററിൽ കൂടുതൽ മൈലേജ് നൽകുന്ന ഹൈബ്രിഡ് എസ്യുവികൾ appeared first on Express Kerala.
