‘എന്റെ ആത്മാവിൽ പതിഞ്ഞ നിമിഷം’; താൻ കാല് തൊട്ട് വന്ദിച്ചപ്പോൾ തിരിച്ചു വന്ദിച്ച മോദിയെക്കുറിച്ച് വികാരാധീനയായി ആശാ നാഥ്

തിരുവനന്തപുരം കോർപറേഷൻ ഡപ്യൂട്ടി മേയർ ആശാ നാഥ് പ്രധാനമന്ത്രി നരേന്ദ്ര മോദിയെ സന്ദർശിച്ചപ്പോഴുണ്ടായ വികാരനിർഭരമായ നിമിഷം ഫെയ്‌സ്ബുക്കിലൂടെ പങ്കുവെച്ചു. താൻ ആദരവോടെ പ്രധാനമന്ത്രിയുടെ പാദങ്ങൾ തൊട്ടു വന്ദിച്ചപ്പോൾ, തിരിച്ച് അദ്ദേഹം തന്റെ പാദങ്ങൾ സ്പർശിച്ച് വന്ദിച്ച ആ നിമിഷം തന്റെ ആത്മാവിൽ പതിഞ്ഞ ഒന്നാണെന്ന് ആശാ നാഥ് കുറിച്ചു. അധികാരത്തിന്റെ ഉന്നതിയിൽ നിൽക്കുമ്പോഴും അദ്ദേഹം കാണിച്ച ഈ വിനയം തന്നെ അതിശയിപ്പിച്ചുവെന്നും, ആ നിമിഷം സന്തോഷം കൊണ്ടും അഭിമാനം കൊണ്ടും തന്റെ കണ്ണുകൾ നിറഞ്ഞുപോയെന്നും അവർ തന്റെ കുറിപ്പിൽ വ്യക്തമാക്കുന്നു.

ഭാരതീയ സംസ്കാരത്തിന്റെ മഹത്വവും വിനയവുമാണ് ഈ പ്രവൃത്തിയിലൂടെ താൻ കണ്ടതെന്ന് ആശാ നാഥ് പറയുന്നു. ഈ നേതാവിൽ താൻ കണ്ടത് അധികാരമല്ല, മറിച്ച് മനുഷ്യത്വത്തെയും ഭാരതത്തിന്റെ ആത്മാവിനെയുമാണ്. ജീവിതകാലം മുഴുവൻ തനിക്ക് പ്രചോദനമായി നിലനിൽക്കുന്ന ഒരു അനുഗ്രഹമാണ് ഈ അനുഭവമെന്നും, വാക്കുകൾക്ക് അപ്പുറത്തുള്ള വലിയൊരു സന്തോഷമാണ് ഇതിലൂടെ ലഭിച്ചതെന്നും പറഞ്ഞാണ് അവർ തന്റെ ഫെയ്‌സ്ബുക് കുറിപ്പ് അവസാനിപ്പിക്കുന്നത്.

The post ‘എന്റെ ആത്മാവിൽ പതിഞ്ഞ നിമിഷം’; താൻ കാല് തൊട്ട് വന്ദിച്ചപ്പോൾ തിരിച്ചു വന്ദിച്ച മോദിയെക്കുറിച്ച് വികാരാധീനയായി ആശാ നാഥ് appeared first on Express Kerala.