ഹൃദയാരോഗ്യത്തിന് മുതൽ ദഹനത്തിന് വരെ; ദിവസവും മഖാന കഴിച്ചാലുള്ള മാറ്റങ്ങളറിയാം!

ആരോഗ്യകാര്യത്തിൽ ശ്രദ്ധിക്കുന്നവർക്കിടയിൽ ഇന്ന് മഖാന വലിയ തരംഗമാണ്. പ്രോട്ടീൻ, ഫൈബർ തുടങ്ങിയ പോഷകങ്ങളുടെ കലവറയായ മഖാന ദിവസവും മിതമായ അളവിൽ കഴിക്കുന്നത് ശരീരത്തിന് നൽകുന്ന ഗുണങ്ങൾ ചെറുതല്ല.

മഖാനയുടെ പ്രധാന ഗുണങ്ങൾ

ദഹനത്തിന് ഉത്തമം: മഖാനയിൽ അടങ്ങിയിരിക്കുന്ന ഫൈബർ ദഹനപ്രക്രിയ സുഗമമാക്കുന്നു. മലബന്ധം പോലുള്ള പ്രശ്നങ്ങൾ നേരിടുന്നവർക്ക് ഇത് വറുത്ത് ലഘുഭക്ഷണമായി കഴിക്കുന്നത് ഗുണകരമാണ്.

ആന്റിഇൻഫ്ലമേറ്ററി ഗുണങ്ങൾ: ആന്റിഓക്‌സിഡന്റുകൾ ധാരാളമുള്ളതിനാൽ ശരീരത്തിലെ വീക്കം കുറയ്ക്കാനും ഓക്‌സിഡേറ്റീവ് സ്ട്രെസ് തടയാനും ഇത് സഹായിക്കുന്നു.

Also Read: മരുന്ന് കവറിലെ ആ ‘നീല വര’ വെറുതെയല്ല! സാധാരണക്കാർ നിർബന്ധമായും അറിഞ്ഞിരിക്കേണ്ട പുതിയ നിയമം

രക്തസമ്മർദ്ദം നിയന്ത്രിക്കുന്നു: മഗ്നീഷ്യം, പൊട്ടാസ്യം എന്നിവ മഖാനയിൽ ധാരാളമുണ്ട്. സോഡിയത്തിന്റെ അളവ് വളരെ കുറവായതിനാൽ ബിപി നിയന്ത്രിക്കാനും ഹൃദയാരോഗ്യം മെച്ചപ്പെടുത്താനും ഇത് സഹായിക്കും.

തൂക്കം കുറയ്ക്കാൻ സഹായിക്കുന്നു: കുറഞ്ഞ കലോറിയും ഉയർന്ന ഫൈബറും അടങ്ങിയ മഖാന കഴിക്കുന്നത് വേഗത്തിൽ വയർ നിറഞ്ഞതായി തോന്നിക്കാൻ സഹായിക്കും. ഇത് അമിത ഭക്ഷണം ഒഴിവാക്കി ഭാരം കുറയ്ക്കാൻ സഹായിക്കുന്നു.

വൃക്കയുടെ പ്രവർത്തനം: ആന്റിഓക്‌സിഡന്റ് സാന്നിധ്യം വൃക്കകളുടെ സുഗമമായ പ്രവർത്തനത്തെ പിന്തുണയ്ക്കുന്നു.

ശ്രദ്ധിക്കേണ്ട കാര്യങ്ങൾ

മഖാന ആരോഗ്യത്തിന് നല്ലതാണെങ്കിലും അമിതമാകരുത്. മിതമായ അളവിൽ കഴിക്കാൻ ശ്രദ്ധിക്കാം. ഇത് കഴിച്ച ശേഷം എന്തെങ്കിലും അലർജി അനുഭവപ്പെട്ടാൽ ഡോക്ടറുടെ നിർദ്ദേശം തേടേണ്ടതാണ്.

The post ഹൃദയാരോഗ്യത്തിന് മുതൽ ദഹനത്തിന് വരെ; ദിവസവും മഖാന കഴിച്ചാലുള്ള മാറ്റങ്ങളറിയാം! appeared first on Express Kerala.